بنگلادیش نے ڈارون ٹیسٹ میں عالمی نمبر ایک ٹیسٹ ٹیم آسٹریلیا کو 9 وکٹوں سے شکست دے کر تاریخی کامیابی حاصل کرلی۔
نویں نمبر کی ٹیسٹ ٹیم بنگلادیش نے آسٹریلیا کو اسی کی سرزمین پر شکست دے کر بڑا اپ سیٹ کردیا۔ یہ بنگلادیش کی آسٹریلیا میں ٹیسٹ کرکٹ کی تاریخ میں پہلی کامیابی ہے۔
میچ کے آخری مرحلے میں بنگلادیش کو جیت کے لیے صرف 57 رنز کا ہدف ملا، جو اس نے ایک وکٹ کے نقصان پر حاصل کرلیا۔
بنگلادیش کی جانب سے شادمان اسلام 25 جبکہ مومن الحق 30 رنز بناکر ناٹ آؤٹ رہے۔
اس سے قبل آسٹریلیا نے پہلی اننگز میں 198 رنز بنائے تھے، جس کے جواب میں بنگلادیش نے شاندار بیٹنگ کرتے ہوئے 426 رنز بناکر 228 رنز کی برتری حاصل کی۔
آسٹریلیا نے دوسری اننگز میں 284 رنز بنائے، جس کے بعد بنگلادیش کو فتح کے لیے 57 رنز کا ہدف ملا، جو مہمان ٹیم نے ایک وکٹ کے نقصان پر پورا کرلیا۔
بنگلادیش کی اس تاریخی فتح کو آسٹریلیا کے خلاف ٹیسٹ کرکٹ میں ایک بڑا اپ سیٹ قرار دیا جارہا ہے، جبکہ بنگلادیشی ٹیم نے آسٹریلیا میں پہلی ٹیسٹ فتح حاصل کرکے تاریخ کے صفحات میں اپنا نام درج کرلیا۔
مصنف نے جامعہ گجرات سے صحافت کی تعلیم حاصل کی ہے اخبار کیساتھ ڈیجیٹل صحافت سے منسلک ہیں۔
