فٹبال ورلڈ کپ میں تاریخی کامیابی کے بعد اسپینش ٹیم کے کھلاڑیوں پر اعزازات اور انعامات کی بارش جاری ہے، مگر دو کھلاڑیوں کو ملنے والا منفرد تحفہ سب کی توجہ کا مرکز بن گیا۔
اسپین کے صوبے اشبیلیہ کے شہر Los Palacios y Villafranca کی انتظامیہ نے اپنے مقامی ہیروز، فیبان ریوز اور گاوی، کو ان کے جسمانی وزن کے برابر ٹماٹر بطور انعام پیش کیے۔
ٹاؤن ہال میں منعقدہ خصوصی تقریب کے دوران پہلے دونوں کھلاڑیوں کا وزن کیا گیا، پھر اسی حساب سے ٹماٹر تول کر انہیں پیش کیے گئے۔ فیبان ریوز کو 85 کلوگرام جبکہ گاوی کو 68.5 کلوگرام ٹماٹر ملے۔
یہ شہر ٹماٹروں کی کاشت اور پیداوار کے حوالے سے پورے اسپین میں شہرت رکھتا ہے، اسی لیے انتظامیہ نے اپنے ہیروز کو خراجِ تحسین پیش کرنے کے لیے یہ منفرد انداز اپنایا۔
فیبان ریوز نے ورلڈ کپ کے دوران اسپین کی جانب سے 366 منٹ کھیلتے ہوئے کوارٹر فائنل میں بیلجیئم کے خلاف ٹیم کا پہلا گول بھی اسکور کیا، جبکہ 21 سالہ گاوی نے ٹورنامنٹ میں 85 منٹ میدان میں گزارے۔
شہر کی انتظامیہ نے دونوں کھلاڑیوں کے اعزاز میں دو فٹبال گراؤنڈز کے نام بھی فیبان ریوز اور گاوی کے نام پر رکھنے کا اعلان کیا۔
اس منفرد اعزاز کی تصاویر اور ویڈیوز سوشل میڈیا پر وائرل ہو رہی ہیں، جہاں صارفین اس دلچسپ روایت کو خوب سراہ رہے ہیں۔
