پاکستان کرکٹ بورڈ کے چیئرمین کا سرفراز احمد پر پابندی کے آئی سی سی کے فیصلے پر شدید غم و غصے کا اظہار

کراچی(این این آئی)پاکستان کرکٹ بورڈ کے چیئرمین احسان مانی نے کپتان سرفراز احمد پر پابندی کے آئی سی سی کے فیصلے پر شدید غم و غصے کا اظہار کرتے ہوئے کہاہے کہ سرفراز کے معاملے پر بیوروکریسی، عام فہمی پر حاوی ہوگئی۔

نجی ٹی وی کے مطابق چیئرمین پی سی بی نے کہا کہ ہر سطح پر باضابطہ غلطی مان کر اور معافی مانگنے کے بعد بھی آئی سی سی کی جانب سے سرفراز احمد کی دی جانے والی سزا سمجھ سے باہر ہے۔

احسان مانی نے کہا کہ دونوں کھلاڑیوں، ٹیموں اور کرکٹ بورڈ کے درمیان معاملات طے پا جانے کے بعد آئی سی سی بیچ میں آگیا، اگر صلح آئی سی سی قوانین کے تحت نہیں ہوسکی تو اس کا مطلب یہ نہیں کہ صلح نہیں ہوئی۔

انہوں نے کہا کہ آئی سی سی کافیصلہ بھی خاموشی سے آیا اور پریس ریلیز سے قبل جنوبی افریقی کپتان فاف ڈوپلسی بھی اعلان کرچکے تھے کہ سرفراز کو معاف کردیا گیا ہے۔چیئرمین پی سی بی نے کہاکہ سرفراز احمد نے جو بات کہی وہ شاید پاکستانی معاشرے میں اتنی بری نہیں سمجھی جاتی تاہم نسلی امتیاز کے معاملے پر کھلاڑیوں کی تربیت کی جائے گی۔

پی ٹی آئی کا جنوبی افریقا میں بھی ڈیمز فنڈ ریزنگ مہم چلانے کا فیصلہ

جوہانسبرگ (این این آئی) پی ٹی آئی کے زیر اہتمام ساؤتھ افریقہ160سینچورین شہر پرٹوریا160 میں ڈیمز فنڈ ریزنگ کا160ایونٹ چار فروری کو کھیلائیگا ،ایونٹ میں فیصل جاوید خان خصوصی شرکت کریں گے ،

سینیٹر فیصل جاوید نے اس ایونٹ میں پاکستان کرکٹ ٹیم کو بھی شرکت کی دعوت دی ہے ۔160حالیہ دورے پر ساؤتھ افریقہ میں موجودپاکستان کے کپتان شعیب ملک سمیت دیگر کھلاڑی بھی اس ایونٹ کی زینت بنیں گے ۔

ذرائع کے مطابق تحریک انصاف ساؤتھ افریقہ کے صدر زاہد افضل نے تیاریاں مکمل کر لیں ۔ ایونٹ میں وزیر اعظم عمران خان کا دستخط شدہ بیٹ اور گیند بھی نیلامی کیلئے پیش کی جائیگی ۔

کپتان شعیب ملک کے ساتھ ساتھ160 پاکستان کرکٹ ٹیم کے دیگر کھلاڑیوں میں محمد حفیظ ، حسن علی، شاداب خان، امام الحق ، عثمان شنواری اور دیگر شامل ہیں ۔

جنوبی افریقا کیخلاف 15 رکنی قومی ٹی 20 ٹیم کا اعلان،سرفرازاحمد کپتان برقرار

لاہور(ماجد ہنجراء سے)جنوبی افریقہ کیخلاف ٹی 20 سیریز کیلئے پاکستانی ٹیم کا اعلان کر دیاگیا ،سرفراز احمد قومی ٹیم کے کپتان ہوں گے۔میڈیا رپورٹس کے مطابق پاکستان نے جنوبی افریقا کیخلاف ٹی 20 ٹیم کا اعلان کردیا،نیوزی لینڈکیخلاف کھیلنے والی ٹیم میں ایک تبدیلی کی گئی ہے ،وقاص مقصود کی جگہ محمد عامر کو ٹیم میں شامل کیا گیا ہے۔حسین طلعت،عماد وسیم ،فہیم اشرف ،شاداب خان ،حسن علی ،عثمان شنواری ،شاہین شاہ آفریدی اور محمد عامر کو قومی سکواڈ میں شامل کیا گیا جبکہ فخرزمان ،بابرا عظم، صاحبزادہ فرحان ،محمد حفیظ ،شعیب ملک اور آصف علی بھی ٹیم کا حصہ ہیں ۔پاکستان اورجنوبی افریقا کیخلاف 3 میچز کی سیریز یکم فروری سے شروع ہو گی ۔دونوں ٹیموں کے درمیان پہلا میچ یکم فروری، دوسرا 2 فروری اور آخری 6 فروری کو کھیل جائے گا۔ون ڈے ٹیم سے امام الحق ،محمد رضوان اورشان مسعود واپس آئیں گے جبکہ صاحبزادہ فرحان اور آصف علی ٹی 20 کیلئے جنوبی افریقا جائیں گے ۔

وکٹ کیپر بلے باز ذوالقرنین حیدر کا بین الاقوامی کرکٹ سے ریٹائرمنٹ واپس لینے کا اعلان

لاہور (مانیٹرنگ ڈیسک) پاکستان کرکٹ ٹیم کے سابق وکٹ کیپر بلے باز ذوالقرنین حیدر نے بین الاقوامی کرکٹ سے ریٹائرمنٹ واپس لینے کا اعلان کرتے ہوئے کہا ہے کہ پی سی بی کو جب بھی ان کی ضرورت محسوس ہوئی تو وہ قومی ٹیم میں اپنا کردار ادا کرنے کیلئے دستیاب ہیں۔ تفصیلات کے مطابق ذوالقرنین حیدر نے ویڈیو پیغام میں کہا ہے کہ میں نے 2010ءمیں بین الاقوامی کرکٹ سے ریٹائرمنٹ کا اعلان کیا تھا لیکن میں اب دوبارہ ٹریننگ کر رہے ہیں اور جم رہا ہوں جبکہ بین الاقوامی کرکٹ لیگز کھیل کر کارکردگی بھی دکھا رہا ہوں۔ ان کا کہنا تھا میں نے اپنے دوستوں اور عزیز و اقارب سے مشاورت کے بعد انٹرنیشنل کرکٹ سے ریٹائرمنٹ واپس لینے کا فیصلہ کیا ہے اور جب بھی پی سی بی سلیکٹرز کو میری ضرورت ہو گی تو میں دستیاب ہوں۔

انٹرکالیجیٹ گرلز والی بال ٹورنامینٹ دادو جامشورو زون ٹو کا آغاز ہوگیا

دادو(نمائندہ خصوصی)سندھ کالج گیمز کے سلسلے میں انٹرکالیجیٹ گرلز والی بال ٹورنامینٹ دادو جامشورو زون ٹو کا بھی آغاز ہوگیا۔ڈائریکٹر کالجز حیدرآباد ریجن پروفیسر ڈاکٹر عبدالحمید چنڑ، میزبان استاد بخاری کالج دادو کے پرنسپل پروفیسر غلام سرور عباسی،ریجنل اسپورٹس کمیٹی کے ممبر و میڈیا کووآرڈینیٹر پرویز احمدشیخ، کنوینیئر فیمیل ریحانہ بھٹی،آرگنائزنگ کمیٹی کے ممبران،اساتذہ کرام, طالبات و شائقین کی کثیر تعداد کے سامنےایڈیشنل ڈائریکٹر کالجز(انسپیکشن) و سیکریٹری ریجنل اسپورٹس کمیٹی پروفیسر شاہدہ پروین ابڑو نے گرلز والی بال ایونٹ کا شاندار سروس کرکے افتتاح کیا۔اس موقع پر کھیلے گئے نمائشی میچ میں گورنمینٹ گرلز ڈگری کالج کوٹری نےگورنمینٹ گرلز ڈگری کالج بھان سعید آباد کو 25-15 اور 25-11 سے ہرا دیا۔نمایاں کھلاڑیوں میں گلبہار بھٹی, صبا،غوثیہ،الماس،سمیرا،اقصی،کلثوم،رمشا اور دیگر شامل ہیں۔میچ کو سپروائزر عائشہ ارم،عبدالجواد,سعادت بگھیو اورظہیرالدین مگسی نے سپروائز کیا۔ اس موقع پر کنوینیئر زون ٹو ریحانہ بھٹی، ڈائریکٹرز فزیکل ایجوکیشن عبدالجواد راہوجہ،اجمل معین،پروفیسرز غلام سرور لغاری،رفیق کلہورو،گل نرگس،امتیاز علی منگی، قاضی، شبانہ نواز اور دیگر موجود تھے۔بعد ازاں کھیلےگئے باقائدہ میچز میں گورنمینٹ گرلز کالج بھان سعیدآباد نے گورنمینٹ گرلز کالج دادو کو 25-12 اور 25-17 سے ہرایا جبکہ دوسرے میچ میں گورنمینٹ گرلز ڈگری کالج کوٹری نےگورنمینٹ گرلز ڈگری کالج سیہون کو 25-10 اور 25-11 سے ہرا کر فائنل کے لیئے کوالیفائی کرلیا۔آخر میں کنوینیئر زون ٹو ریحانہ بھٹی نے مہمانوں کی آمد پر انکا شکریہ ادا کیا۔

پاکستان سپر لیگ کے پروڈکشن رائٹس بھارتی کمپنی کو مل گئے

لاہور(مانیٹرنگ ڈیسک)پاکستان سپر لیگ کے پروڈکشن رائٹس بھارتی کمپنی کو مل گئے ایک بھارتی اخبار کے مطابق اگرچہ فریقین کی جانب سے معاہدے کو منظر عام پر نہیں لایا گیا۔تاہم چیئرمین پی سی بی احسان مانی نے تصدیق کی ہے کہ حقوق آئی ایم جی آر نامی کمپنی کو ملے ہیں، اس کمپنی نے ابتدائی 10سال تک آئی پی ایل کے پروڈکشن معاملات بھی سنبھالے تھے۔ رپورٹ کے مطابق کمپنی کا عملہ پہلے ہی پاکستان پہنچ کر تیاریوں کا آغاز کرچکا ہے۔

کوہلی کی 64 انٹرنیشنل سنچریاں، تیسرے نمبر پر آگئے

بھارتی کپتان ویرات کوہلی نے آسٹریلیا کے خلاف دوسرے ایک روزہ انٹرنیشنل میں شاندار بیٹنگ کا مظاہرہ کرتے ہوئے ایک اور سنچری داغ دی، جو ایک روزہ بین الاقوامی میچوں میں اُن کی 39 سنچری ہے۔کوہلی نے ایڈیلیڈ میں دوسرے ایک روزہ میچ میں 112گیندوں کا سامنا کرتے ہوئے 2چھکوں اور 5چوکوں کی مدد سے 104رنز کی اننگز کھیلی،ون ڈے میچوں میں اُن کی 39ویں جبکہ بین الاقوامی کرکٹ میں مجموعی طور پر 64ویں سنچری ہے،جو انہوں نے 360میچز کھیل کر بنائی ہیں .بھارت کے لیجنڈ کرکٹر سچن ٹنڈولکر اس فہرست میں ٹاپ پر ہیں، اُنہوں نے 664میچوں 100سنچریاں بنائیں۔ سابق آسٹریلوی کپتان رکی پونٹنگ کا دوسرا نمبر ہے ،انہوں نے 560 انٹرنیشنل میچوں میں 71سنچریاں اسکور کیں۔
کی نظر اب ٹنڈولکر کی ون ڈے میچوں میں 51سنچریوں پر ہے، یہ ریکارڈ توڑنے کے لئے کوہلی کو صرف 12سنچریز کی ضرورت ہے۔

پی ایس ایل 4 کے میچوں کی ٹکٹیں آن لائن فروخت کیلئے پیش

لاہور (ماجد ہنجرا سے) پاکستان سپر لیگ (پی ایس ایل) کے چوتھے ایڈیشن کے میچوں کی ٹکٹیں آن لائن فروخت کیلئے پیش کر دی گئی ہیں اور پہلے مرحلے میں شارجہ اور ابوظہبی میں ہونے والے میچوں کی ٹکٹیں فروخت کی جا رہی ہیں۔تفصیلات کے مطابق دوسرے مرحلے میں دبئی، لاہور اور کراچی میں شیڈول میچوں کے ٹکٹس فروخت کیلئے پیش کئے جائیں گے جس کا اعلان بعد میں کیا جائے گا۔ پی ایس ایل 4 کے دوران کل 34 میچ ہوں گے جن میں سے 8 میچ پاکستان میں ہوں گے اور دیگر میچوں کی میزبانی دبئی، شارجہ اور ابوظہبی کے گراؤنڈز کریں گے۔آن لائن ٹکٹس فروخت کرنے کے پہلے مرحلے میں شارجہ میں 20 فروری کو کوئٹہ گلیڈی ایٹرز اور ملتان سلطانز، 21 فروری کو پشاور زلمی اور کراچی کنگز، 22 فروری کو ملتان سلطانز اور لاہور قلندرز کے میچوں کی ٹکٹیں فروخت کیلئے پیش کی گئی ہیں۔اسی طرح 23 فروری کو کوئٹہ گلیڈی ایٹرز بمقابلہ لاہور قلندرز اور 24 فروری کو پشاور زلمی اور ملتان سلطانز کے درمیان شارجہ انٹرنیشنل کرکٹ سٹیڈیم میں میچز ہوں گے اور اس کے ٹکٹس بھی آن لائن فروخت کیلئے پیش کر دئیے گئے ہیں۔ابوظہبی کے شیخ زید سٹیڈیم میں 4 اور 5 مارچ کو ہونے والے میچوں کے ٹکٹ بھی آن لائن فروخت کیلئے دستیاب ہیں، 4 مارچ کو پشاور زلمی اور کوئٹہ گلیڈی ایٹرز اور 5 مارچ کو لاہور قلندرز اور پشاور زلمی کی ٹیمیں مدمقابل ہوں گی۔

جنوبی افریقا نے پاکستان کو ٹیسٹ سیریز میں وائٹ واش کردیا

لاہور(مانیٹرنگ ڈیسک)جنوبی افریقا نے پاکستان کو ٹیسٹ سیریز میں 0-3 سے شکست دے کر کلین سوئپ کردیا۔ جوہانسبرگ ٹیسٹ میں جنوبی افریقا نے پاکستان کو جیت کے لیے 381 رنز کا ہدف دیا ہے جس کے جواب میں قومی ٹیم 273 رنز ہی بناسکی اور یوں انہیں 107 رنز سے شکست کا سامنا کرنا پڑا۔قومی ٹیم نے چوتھے روز 3 وکٹ پر 153 رنز سے اپنی نامکمل اننگز کا آغاز کیا تو 9 رنز کے اضافے کے بعد ہی بابراعظم 21 رنز بنانے کے بعد اولیئر کا شکار بن گئی، اگلی ہی گیند پر کپتان سرفراز احمد بھی کھاتہ کھولے بغیر پویلین واپس لوٹ گئے جب کہ اسد شفیق کی ہمت بھی 65 رنز پر جواب دے گئی۔فہیم اشرف بھی 15 رنز کے مہمان ثابت ہوئے، حسن علی نے 14 گیندوں پر 22 رنز کی جارحانہ اننگز کھیلی اور شاداب خان 47 رنز کے ساتھ ناقابل شکست رہے۔ پروٹیز کی جانب سے اولیوائر اور رباڈا نے 3،3 جب کہ ڈیل اسٹین نے 2 اور فلینڈر نے ایک وکٹ حاصل کی۔دوسری اننگز میں میزبان ٹیم 303 رنز بنا کر آؤٹ ہوگئی تھی اور پہلی اننگز میں 77 رنز کی برتری کی بدولت پاکستان کے لیے 381 رنز کا بڑا ہدف کھڑا کردیا، ڈی کوک 129 اور ہاشم آملہ 71 رنز کے ساتھ نمایاں رہے۔ پاکستان کی جانب سے فہیم اشرف اور محمد عباس نے 3،3 جب کہ محمد عامر 2 اور حسن علی نے ایک وکٹ حاصل کی۔
پہلی اننگز میں پاکستان کی بیٹنگ لائن ناکام رہی تھی، میزبان ٹیم کی جانب سے 4 کیچ ڈراپ اور ایک رن آؤٹ کا موقع ضائع کرنے کے باوجود قومی ٹیم پہلی اننگز میں 185 رنز پر آؤٹ ہوئی۔ قومی ٹیم کی جانب سے سرفراز احمد 50، بابر اعظم 49 اور امام الحق 43 کے علاوہ کوئی بھی بلے باز خاطر خواہ کارکردگی نہیں دکھا سکا تھا، پروٹیز کی جانب سے اولیوائر نے 5، فلینڈر نے 3 اور رباڈا نے 2 وکٹیں حاصل کیں۔
جنوبی افریقا نے اپنی پہلی اننگز میں ایڈن مارکرم 90 ، ہاشم آملہ 41، بروین 49 اور زوبایر حمزہ کے 41 رنز کی بدولت 262 رنز بنانے میں کامیاب رہی تھی۔ قومی ٹیم کی جانب سے فہیم اشرف نے 3، حسن علی، محمد عباس اور محمد عامر نے 2،2 وکٹیں حاصل کیں تھیں۔

بھارتی ٹیم آسٹریلیا میں ٹیسٹ سیریز جیتنے والی پہلا ایشیائی ٹیم بن گئی

سڈنی(مانیٹرنگ ڈیسک)بھارتی کرکٹ ٹیم آسٹریلوی سرزمین پر ٹیسٹ سیریز جیتنے والی پہلی ایشیائی ٹیم بن گئی۔سڈنی ٹیسٹ کے آخری روز بارش کی وجہ سے ایک بھی گیند نہ پھینکی جاسکی۔ سڈنی ٹیسٹ ڈرا ہونے کی وجہ سے بھارتی ٹیم نے چار میچز پر مشتمل یہ سیریز دو ایک سے اپنے نام کرلی۔سڈنی ٹیسٹ کی پہلی اننگز میں بھارت نے پہلی اننگز 7 وکٹوں پر 622 رنز بناکر ڈیکلیر کردی تھی جواب میں میزبان ٹیم 300 رنز بناسکی۔ فالو آن کے بعد چوتھے روز کھیل کے اختتام پر آسٹریلوی ٹیم نے 6 رنز بنائے تھے۔ پانچویں روز وقفے وقفے سے بارش کا سلسلہ جار رہا، اس طرح سڈنی ٹیسٹ بغیر ہارجیت کے ختم ہوا۔بھارت نے ایڈیلیڈ ٹیسٹ اور میلبورن ٹیسٹ میں فتح پائی جب کہ پرتھ ٹیسٹ میزبان ٹیم کے نام رہا۔ 72 برسوں میں بھارتی ٹیم پہلی ایشیائی ٹیم ہے جس نے آسٹریلوی سرزمین پر سیریز اپنے نام کی ہے۔ غیر معمولی کارکردگی پر چیتیسور پجارا کو مین آف دی میچ اور مین آف دی سیریز قرار دیا گیا۔بھارتی کپتان ویرات کوہلی نے ٹیسٹ سیریز میں کامیابی کو بہت بڑا کارنامہ انجام دیا ہے ان کا کہنا ہے کہ اس سیریز میں جیت سے بھارتی ٹیم کو ایک نئی پہچان ملی ہے۔ گھر کے شیر ہونے کا تاثر بھی اب بدل جائے گا۔