ہوشاب میں سیکیورٹی فورسز کے آپریشن میں 10 دہشت گرد ہلاک

راولپنڈی: سیکیورٹی فورسز نے بلوچستان کے علاقے ہوشاب میں آپریشن کے دوران 10 دہشت گردوں کو ہلاک جبکہ ایک کو زخمی حالت میں گرفتار کرلیا۔

پاک فوج کے شعبۂ تعلقات عامہ (آئی ایس پی آر) کے مطابق سیکیورٹی فورسزنے ہوشاب میں دہشتگردوں کے خفیہ ٹھکانے کی اطلاع آپریشن کیا جس کے دوران شدید دو طرفہ فائرنگ کا تبادلہ ہوا۔

یہ بھی پڑھیں:   الیکشن کمیشن آف پاکستان نے تحریک لبیک پاکستان کی فنڈنگ کی باضابطہ تحقیقات کا فیصلہ کرلیا

سیکیورٹی فورسز سے فائرنگ میں 10 دہشت گرد ہلاک ہوئے جبکہ موقع سے ایک زخمی دہشت گرد گرفتار ہوا جبکہ دو مسلح افراد فرار ہوگئے جن کی تلاش کیلیے آپریشن جاری ہے۔

آئی ایس پی آر کے مطابق دہشت گردوں سے بھاری مقدارمیں اسلحہ اورگولہ بارود برآمد ہوا۔ ہلاک دہشت گرد ایم نائن منصوبے، عوام اور سیکیورٹی فورسز پر حملوں میں ملوث تھے۔