پاکستان ریلویز نے چین سے جدید خطوط پر استوار بوگیاں در آمد کرلیں

کراچی: پاکستان ریلوے نے مسافروں کو سفری سہولیات فراہم کرنے کے لیے جدید خطوط پر استوار بوگیاں در آمد کرلیں جن میں معذور افراد کے لیے بیت الخلا بھی موجود ہے۔

تفصیلات کے مطابق کراچی بندرگاہ پر پاکستان ریلوے نے چین سے درآمد کی گئی بوگیوں کی پہلی کھیپ حاصل کرلی ہے، جدید سہولیات سے آراستہ کوچز میں فری وائی فائی، چارجنگ سویچز، ایل ای ڈی سمیت معذور افراد کے لیے بیت الخلا کی سہولت بھی موجود ہے۔

یہ بھی پڑھیں:   اوپن مارکیٹوں میں گراں فروشی کا سلسلہ عروج پر

230 میں سے 46 بوگیاں کراچی پہنچادی گئیں ہیں جبکہ بقیہ بوگیاں پاکشتان اسپیئر پارٹس سے خود تیار کرے گا۔ یکم دسمبر سے ان بوگیوں کا ٹرائل شروع کردیا جائے گا۔

اسسٹنٹ جی ایم پاکستان ریلوے شاہد عزیز نے کہا کہ آج پاکستان کی تایخ کا یادگار دن ہے،46 جدید سہولیات سے آراستہ کوچز پہنچ گئی ہیں، یہ پاکستان اور چائنا کے بہترین تعلقات کی مثال ہے۔

یہ بھی پڑھیں:   مہنگائی کی وجہ سے ملازمین کو ملنے والی تنخواہ نا کافی ہیں، وزیراعظم

انہوں نے کہا کہ یہ معاہدہ اگست 2021 میں ہوا، 230 کوچز چائنا سے لینے کا کنٹریکٹ ہوا، مستقبل میں ہم را مٹریل سے پاکستان میں بنائیں گے، یہ کوچز 160 کلو میٹر فی گھنٹے کی رفتار سے چلنے کی صلاحیت رکھتی ہیں، پہلی بار معذور افراد کے لیے اسپیشل وش رومز بنائے گئے ہیں۔

یہ بھی پڑھیں:   ترکیہ کا پاکستان میں پانچ ارب ڈالر تک سرمایہ کاری کا اعلان

ان کا کہنا تھا کہ چین مزید 184 بوگیوں کے پرزے اسمبلنگ کے لیے پاکستان کو فراہم کرے گا، چین سے آنے والے کوچز میں اکنامی پارلر کار اور اے سی اسٹینڈرڈ کوچز شامل ہوں گی، اکنامی اوراے سی اسٹینڈرڈ کوچز میں آرام دہ برتھیں، نائٹ لیمپس اور موبائل چارجر بھی لگائے گے ہیں۔