عراقی فضائیہ کی داعش کے ٹھکانوں پر بمباری، 9 جنگجو ہلاک

بغداد: عالمی خبر رساں ادارے کے مطابق عراقی فضائیہ کی بمباری میں 9 داعش جنگجوؤں مارے گئے جن میں سے 4 کا تعلق لبنان سے ہے۔

عراقی فوج کے ترجمان نے میڈیا کو بتایا کہ بغداد کے شمالی علاقے میں برّی اور فضائی فوج کے مشترکہ آپریشن میں داعش کے ٹھکانے کو تباہ کردیا جس مین 9 جنگجو مارے گئے۔اسی علاقے میں 21 جنوری کو داعش جنگجوؤں نے فوجی بیرکوں پر حملہ کرکے سوئے ہوئے 11 اہلکاروں کو ہلاک کردیا تھا۔ پسپائی کے بعد داعش کا عراقی فوج پر یہ سب سے بڑا حملہ تھا۔

یہ بھی پڑھیں:   بغداد: سہ فریقی عرب اتحادکا توانائی اورمعیشت سمیت مختلف شعبوں میں تعاون بڑھانے پرغور

دوسری جانب لبنان کے سرکاری ٹیلی وژن نے عراقی فوج کی اس کارروائی میں ہلاکتوں کی تعداد کہیں زیادہ بتائی ہے اور دعویٰ کیا ہے کہ ہلاک ہونے والوں میں 5 لبنانی بھی شامل ہیں۔واضح رہے کہ نصف دہائی کی جنگ کے بعد اتحادی افواج نے عراق کے تمام شہروں سے داعش کا قبضہ واگزار کرالیا تھا تاہم اب بھی دوردراز علاقوں میں جنگجوؤں کے ٹھکانے ہیں۔