برآمدات 25.3ارب ڈالر کی بلند ترین سطح پر پہنچ گئیں

کراچی: ملکی برآمدات تاریخ کی بلند ترین سطح پر پہنچ گئیں جب کہ مالی سال2020-21ء میں برآمداتی حجم 25.3 ارب ڈالر کی ریکارڈ سطح پر رہا۔

وزارت تجارت کی جانب سے جاری کردہ بیان کے مطابق برآمدات میں سال بہ سال کی بنیاد پر 18 فیصد اضافہ ریکارڈ کیا گیا۔

وزیراعطم کے مشیر برائے تجارت عبدالزاق داؤد نے ٹویٹ کرتے ہوئے کہا کہ جون میں برآمدات 2.7 ارب ڈالر رہیں جو ایک ماہ کے دوران برآمدات کا سب سے زیادہ حجم ہے۔ ان کا کہنا تھا کہ مالی سال میں خدمات کی برآمدات کا تخمینہ 5.9 ارب ڈالر لگایا گیا ہے، اس طرح اشیاء و خدمات کی مجموعی برآمدات 31 ارب ڈالر سے زائد رہنے کی توقع ہے۔

یہ بھی پڑھیں:   ایون فیلڈ ریفرنس میں سزا معطلی کیخلاف نیب کی اپیل پر فیصلے کے بعد مریم نواز بھی میدان میں آ گئیں

مشیر تجارت نے کووڈ19 کی مشکل صورتحال کے باوجود یہ سنگ میل حاصل کرنے پر برآمدکنندگان کو سراہتے ہوئے کہا کہ یہ کوئی معمولی کامیابی نہیں ہے کیوں کہ کورونا کی وجہ سے بیشتر ممالک میں لاک ڈاؤن تھا اور دنیا بھر میں کاروباری سرگرمیاں شدید متاثر ہوئیں۔ عبدالرزاق داؤد کا کہنا تھا کہ نئے مالی سال میں برآمدات میں 5فیصد کی شرح سے اضافہ ہوگا۔

یہ بھی پڑھیں:   سندھ حکومت کا لاک ڈاؤن کا فیصلہ، تمام دفاتراوراجتماع گاہیں بند ہوں گی

عارف حبیب لمیٹڈ کے ریسرچ ہیڈ طاہر عباس نے ایکسپریس ٹریبیون سے گفتگو کرتے ہوئے کہا کہ برآمداتی کا تاریخی سطح پر پہنچنا ٹیکسٹائل سیکٹر کا رہین منت ہے۔ ان کا کہنا تھا کہ پہلے 11 ماہ کے دوران ٹیکسٹائل سیکٹر کی شرح نمو 10 فیصد رہی جس کے نتیجے میں مجموعی برآمداتی حجم میں اضافہ دیکھنے میں آیا۔

یہ بھی پڑھیں:   پرنسپل انفارمیشن آفیسر میاں جہانگیر اقبال کے والدمیاں محمد اقبال وفات پا گئے

ٹاپ لائن سیکیورٹیز کے عاطف ظفر کا کہنا تھا کہ لاک ڈاؤن کے بعد صنعتیں جلد کھولنے کی وجہ سے برآمدات بڑھیں۔ پاکستان بزنس فورن کے نائب صدر احمد جواد نے کہا کہ برآمدات میں مزید اضافے کی گنجائش موجود ہے۔