لنڈی کوتل میں دھماکا، 4 افراد جاں بحق

پشاور: لنڈی کوتل کے ایک گھر میں دھماکے سے 4 افراد جاں بحق اور 6 زخمی ہوگئے۔

صوبہ خیبر پختون خوا لنڈی کوتل کے علاقے سدوخیل کے ایک گھر میں دھماکا ہوا ہے۔ اطلاع ملتے ہی پولیس اور امدادی ادارے فوری طور پر وہاں پہنچ گئے، زخمیوں اور لاشوں کو فوری طور پر پشاور ہسپتال منتقل کردیا گیا۔

یہ بھی پڑھیں:   26 نومبر کو سب کو سرپرائز ملے گا، عمران خان

پولیس کے مطابق دھماکے کے سبب چار افراد جاں بحق اور چھ زخمی ہوگئے جن میں ایک خاتون اور تین بچے شامل ہیں۔ پولیس حکام کا کہنا ہے کہ تفتیش جاری ہے، شواہد جمع کیے جارہے ہیں اور دھماکے کی نوعیت کا جائزہ لیا جارہا ہے۔