پاک بحریہ کی کثیرالملکی مشقی، دہشت گردی سے نمٹنے کا عملی مظاہرہ

Spread the love

کراچی: پاک بحریہ کی کثیرالملکی مشقیں امن 21ء کامیابی سے جاری ہیں جن کا چیئرمین جوائنٹ چیفس آف اسٹاف کمیٹی جنرل ندیم رضا نے مشاہدہ کیااور پاک بحریہ کے سربراہ ایڈمرل محمد امجد خان نیازی بھی اس موقع پر موجود تھے۔

ڈی جی آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ندیم رضا نے پاک بحریہ کی بحری مشقیں امن 2021ء کا مشاہدہ کیا۔ بحری مشقوں کے دوران میری ٹائم انسداد دہشت گردی آپریشن کا مظاہرہ کیا گیا۔ امن 2021ء میں 40 سے زائد ممالک کے بحری اثاثے اور دستے شریک ہیں۔

یہ بھی پڑھیں:   امریکا طالبان معاہدے سے بین الافغان مذاکرات کی راہ ہموارہوگی، شاہ محمودقریشی

امن مشقوں کی سیریز کی یہ ساتویں مشقیں ہیں جو 2006ء سے ہر 2 سال بعد منعقد کی جارہی ہیں۔ امن مشقیں 11 فروری سے 16 فروری تک جاری رہیں گی۔ ڈی جی آئی ایس پی آر کے مطابق امن مشقوں میں غیر روایتی خطرات، مشترکہ آپریشنز سمیت مختلف نوعیت کی ڈرلز کی جارہی ہیں۔

یہ بھی پڑھیں:   پی آئی اے میں مسافروں کا سامان چوری کرنے والا64 ملازمین کا گروہ پکڑا گیا

چیئرمین جوائنٹ چیفس آف اسٹاف کمیٹی جنرل ندیم رضا نے مشقوں کے دوران شرکاء کی پیشہ ورانہ مہارتوں کو سراہا۔ انہوں نے کثیرالمکی مشقوں کے انعقاد کیلئے پاک بحریہ کی کوششوں کی بھی تعریف کی۔ چیئرمین جوائنٹ چیفس آف سٹاف کمیٹی جنرل ندیم رضا کا کہنا تھا کہ ان مشقوں سے علاقائی تعاون اور استحکام کو فروغ ملے گا۔ یہ مشقیں دہشت گردی اور میری ٹائم جرائم کے خلاف اتحاد کےطور پر دیکھی جائیں گی۔

یہ بھی پڑھیں:   عوام کو لالچی ڈاکٹروں نے لوٹنا شروع کردیا، مریضوں کا استحصال کر کے تجوریاں بھرناشروع،فارماسیوٹیکل کمپنیوں سے بھاری رشوتیں.

انہوں نے واضح کیا کہ پاکستان خطے میں امن بقائے باہمی کے اصولوں پر کاربند ہے، امن 2021ءکا کامیاب انعقاد علاقائی امن و استحکام کے پاکستان کے عزم کی تائید ہے۔