میچ فکسنگ کی پیشکش کرنے والا سٹے باز گرفتار

لاہور: نیشنل ٹی ٹوئنٹی کپ میں میچ فکسنگ کی پیشکش کرنیوالا سٹے باز کو گرفتار کرلیا گیا ہے۔

ذرائع کے مطابق نیشنل ٹی ٹوئنٹی کپ میں کھلاڑی کو اپروچ کرنے والامبینہ بکی گرفتارہوگیا ہے، اسے وفاقی تحقیقاتی ایجنسی نے گرفتار کیا۔ مبینہ بکی کے فون کا فرانزک کیا جارہا ہے اور اس کا مؤقف ہے کہ ڈومیسٹک کرکٹر اس کا دوست ہے اور اس نے مذاق میں اپنے دوست سے فکسنگ کی بات کی تھی۔

یہ بھی پڑھیں:   فوادعالم کا منفرد اسٹانس کرکٹ کا موضوع بن گیا

خیال رہے کہ نیشنل ٹی ٹوئنٹی کپ کے کھلاڑی نے بکی کے رابطے کا فوری طور پر اینٹی کرپشن یونٹ کو بتایا تھا جس کے بعد معاملے کی تحقیقات شروع کی گئی تھیں۔ پی سی بی نے رپورٹ کرنے والے کھلاڑی کا نام راز میں رکھا ہے۔