چینی ڈکیتی کی حتمی رپورٹ نہ آنا عمران نیازی کا اعترافِ جرم ہے،میاں شہبازشریف

Spread the love

لاہور(ویب ڈیسک)پاکستان مسلم لیگ (ن) کے صدر شہباز شریف نے چینی انکوائری کمیشن کی رپورٹ میں دوہفتے کی تاخیر ملی بھگت قرار دے دی۔ چینی انکوائری کمیشن رپورٹ میں تاخیر پر شہباز شریف نے کہا کہ وفاقی کابینہ اور ای سی سی کی سربراہی اور چینی پر سبسڈی کی منظوری دینے والے ذمہ دار ہیں،

یہ بھی پڑھیں:   موبائل فون کارڈز پر تمام ٹیکس بحال

فیصلوں کے ذمہ دار عمران نیازی اور عثمان بزدار ہیں ، حتمی رپورٹ نہ آنا عمران نیازی کا اعترافِ جرم ہے، حتمی رپورٹ میں تاخیر 100 ار ب روپے کے حکومتی ڈاکے کی تصدیق ہے،

رپورٹ میں تاخیر چینی ڈکیتی کے اصل ذمہ داروں کو بچانے کی کوشش ہے ، رپورٹ چھپانے سے عمران خان کا جرم چھپ نہیں سکتا۔ شہباز شریف نے کہا کہ عوام جانتے ہیں کہ ان کے آٹے چینی پر کس نے ڈاکا ڈالا، اب مزید کسی انکوائری اور فارنزک کی ضرورت نہیں،

یہ بھی پڑھیں:   ڈپٹی چیئرمین سینیٹ کیخلاف تحریک عدم اعتماد جمع کرادی گئی

انکوائری کمیشن منصفانہ نہیں کیونکہ کمیٹی کے ارکان ہی انکوائری کمیشن کے رکن بھی ہیں، شاہد خاقان عباسی اور خرم دستگیر کو پیش ہونے کی اجازت دی جائے،

ہمارے نامزد کردہ ارکان پیش ہوں گے تو دودھ کا دودھ اور پانی کا پانی ہوجائے گا۔