گوگل بھی کرونا وائرس سے بچاؤ کی آگہی کے لئے میدان میں آگیا

Spread the love

نیویارک : دنیا بھر میں کرونا وائرس تیزی سے پھیل رہا ہے، معروف سرچ انجن گوگل نے کرونا وائرس سے بچاؤ کے لئے ڈوڈل کے ذریعے ہاتھ دھونے کا صحیح طریقہ بتادیا۔

تفصیلات کے مطابق عالمی شہرت یافتہ سرچ انجن گوگل بھی کرونا وائرس سے بچاؤ کی آگہی کے لئے میدان میں آگیا، اپنے ڈوڈل کے ذریعے سب کو پیغام دیا کہ کرونا وائرس سے بچاؤ کے لیے ہاتھ لازمی دھوئیں۔ گوگل نے اپنے نئے ڈوڈل میں ہنگری کے معالج Ignaz Semmelweis کو اعزاز دیتے ہوئے ہاتھ دھونے کی ویڈیو شئیر کی ،جس میں ہاتھ دھونے کا صحیح طریقہ بتایا۔

یہ بھی پڑھیں:   بیرونی پھیپھڑوں کی بدولت زیرِ آب تیرتے ہوئے آکسیجن خود بنائیے

اس سے قبل ٹوئٹرنےبھی کرونا سے آگاہی کیلئے لوگوں کو ’’ہاتھ دھونے کاطریقہ بتانےکاایموجی متعارف کروایا تھا۔ خیال رہے مہلک کرونا وائرس سے دنیا بھر میں ہلاکتوں کی تعداد 10 ہزار سے تجاوز کرگئی ہے ، اب تک وائرس سے 248,683 لوگ متاثر ہو چکے ہیں جب کہ 88,563 لوگ وائرس سے صحت یاب ہوئے۔

یہ بھی پڑھیں:   ٹوئٹرکا 24 گھنٹے بعد غائب ہوجانے والی ٹویٹس کا فیچر لانے کا پلان

وائرس نے 182 ممالک کو لپیٹ میں لے لیا ہے، اٹلی میں وائرس سے ہلاکتوں کی تعداد چین سے بھی زیادہ ہو گئی ہے، اب تک کرونا میں مبتلا ہو کر 3,405 اطالوی زندگی کی بازی ہار چکے ہیں، جب کہ وائرس کے شکار افراد کی تعداد 41,035 ہو چکی ہے۔ چین میں ہلاکتوں کی تعداد 3,248 جب کہ متاثرین کی تعداد 80,967 ہے جبکہ نئے مریضوں کی تعداد بھی نہ ہونے کے برابر رہ گئی ہے۔

یہ بھی پڑھیں:   فیس بک نے میسنجر سمیت کئی پلیٹ فارم پر رقم کے تبادلے کا آغاز کردیا