سعودی عرب ، حائل میں 1000 سال قبل مسیح کے آثار قدیمہ کا انکشاف

Spread the love

ریاض : سعودی عرب میں سیاحت اور قومی ورثے سے متعلق جنرل اتھارٹی نے حائل صوبے میں آثار قدیمہ کا ایک مقام دریافت کیا ہے جو قبل مسیح سے ایک ہزار سال قبل کے زمانے کا ہے۔

یہ مقام حائل شہر کے مغرب میں تقریبا 205 کلو میٹر کی دوری پر الشملی ضلع کے شمال مغرب میں واقع ہے۔میڈیارپورٹس کے مطابق حائل صوبے میں سیاحت اور قومی ورثے سے متعلق جنرل اتھارٹی کے ڈائریکٹر جنرل انجینئر زیاد المصیول نے بتایا کہ حالیہ دریافت حائل صوبے میں آثار قدیمہ کے خزانوں میں ایک بڑا اضافہ ہے جو علاقے میں سیاحت کی ترقی میں معاون ثابت ہو گا۔

یہ بھی پڑھیں:   جاپان میں برفانی کیکڑا، 46 ہزار ڈالر میں فروخت

انہوں نے بتایا کہ جنرل اتھارٹی اس مقام کو سیاحوں کے استقبال کے لیے تیار کرنے پر کام کرے گی۔دوسری جانب حائل صوبے میں قومی ورثے کی دیکھ بھال کے شعبے کے سربراہ اور آثار قدیمہ کے ماہر سعد الرویسان کے مطابق مذکورہ مقام پر نرم ریت اور رسوبی چٹانیں پائی جاتی ہیں۔ یہاں چٹانوں پر بڑی تعداد میں تصویری اور تحریری نقوش موجود ہیں۔

یہ بھی پڑھیں:   غیرملکیوں کے لئے کینیڈامیں ملازمت کے ساتھ ساتھ مفت زمین کی آفرسامنے آگئی

ان کے علاوہ بہت سے خوب صورت اور شان دار خاکے بھی نظر آتے ہیں جو گھوڑوں اور اونٹوں کی تصاویر پر مشتمل ہیں۔ مزید برآں یہاں ثمودی دور کی تحریر کے نقوش بھی پائے جاتے ہیں۔