ایف اے ٹی ایف کا ’’دہشتگردی سے متعلق سفر‘‘کی مالی معاونت کو جرم قرار دینے پر زور، تمام رکن ممالک کو گائیڈلائنز جاری

واشنگٹن: فنانشل ایکشن ٹاسک فورس (ایف اے ٹی ایف) نے تمام رکن ریاستوں پر زور دیا ہے کہ وہ دہشت گردی سے متعلق سفر کی مالی معاونت کو جرم قرار دیں۔ رپورٹ کے مطابق ایف اے ٹی ایف کی جانب سے جاری گائڈلائنز میں ‘دہشت گردی کی کارروائیوں، اس میں شامل ہونے یا تیاری کرنے، منصوبہ بندی کرنے یا دہشت گردی کی تربیت فراہم کرنے یا حاصل کرنے کے لیے سفر کی مالی معاونت کو جرم قرار دینے کی واضح ہدایت بھی شامل ہے۔

یہ بھی پڑھیں:   خبردار ہوشیار!پی ٹی اے نے چوری شدہ فون سے متعلق اہم فیصلہ سنا دیا

ہدایات میں رکن ریاستوں پر زور دیا گیا ہے کہ وہ دہشت گردوں کی معالی معاونت میں تذویراتی خامیوں کے حامل کسی ملک کی شناخت کریں اور اس سلسلے میں اقدامات کریں۔بیان میں مزید کہا گیا کہ ‘دہشت گردوں کی مالی معاونت سے نمٹنے کے لیے عالمی سطح پر حفاظتی اقدامات صرف انتے ہی مضبوط ہیں جتنا کمزور اقدامات کے ساتھ دائرہ کار ہے’۔

ساتھ ہی یہ بھی کہا گیا کہ دہشت گردوں کے مالی معاونت کار ‘مالی نظام کے ذریعے دہشت گردوں کی مالی معاونت کے لیے اثاثوں کو کامیابی سے منتقل کرنے کے لیے کمزور انسداد منی لانڈرنگ اور دہشت گردوں کی مالی معاونت (اے ایم ایل/سی ایف ٹی) کنٹرول کو دھوکا’ دے سکتے ہیں۔‎

یہ بھی پڑھیں:   حکومت نے ٹیکس اکٹھا کرنے کیلئے نیا پلان بنا لیا

تاہم ایف اے ٹی ایف کی گائڈلائنز میں کسی ملک کا نام نہیں لیا گیا۔اس کے بجائے ایجنسی نے تمام ارکین پر زور دیا کہ وہ ایف اے ٹی ایف کی ریجنل باڈیز اور اقوام متحدہ جیسے اہم شراکت داروں کے ساتھ مل کر کام کریں۔واضح رہے کہ پیرس سے تعلق رکھنے والی ایجنسی نے پاکستان کو اپنی نگرانی کی فہرست یعنی گرے لسٹ میں ڈالا ہوا ہے

یہ بھی پڑھیں:   کویت میں غلاموں کی خریدو فروخت پرتھرتھلی مچ گئی، فوری انکوائری شروع

جبکہ اب تک صرف 2 ممالک ایران اور شمالی کوریا ایسے ہیں جو ایف اے ٹی ایف کی بلیک لسٹ میں ہیں۔گزشتہ ماہ فنانشل ایکشن ٹاسک فورس نے پاکستان کو بلیک لسٹ میں تو شامل نہیں کیا تھا لیکن اسلام آباد کو خبردار کردیا تھا کہ اس کے پاس فروری تک کا وقت ہے کہ وہ اپنے اقدامات کو بہتر کرے یا پھر بین الاقوامی کارروائی کا سامنا کرے۔