پاکستان میں ڈینگی کے مریضوں کی تعداد 44 ہزارتک پہنچ گئی

Spread the love

اسلام آباد: پاکستان میں ڈٰینگی کے مریضوں کی تعداد 44 ہزار سے تجاوز کرچکی ہے جب کہ ملک میں ڈینگی سے اب تک 66 افراد لقمہ اجل بھی بن چکے ہیں۔

صحت کے ماہرین کے مطابق ملک میں آب و ہوا کی تبدیلی، بارشوں اور گرمی میں اضافے سمیت کئی وجوہ سے ڈینگی میں ہوش ربا اضافہ ہوا ہے۔ اسلام آباد میں واقع نیشنل انسٹی ٹیوٹ آف ہیلتھ (این آئی ایچ) کے سینیئر آفیشل ڈاکٹر رانا صفدر نے بتایا کہ 2011 میں 27 ہزار مریض تھے اور اب اس وقت تک ان کی تعداد 44 ہزار سے زائد ہوچکی ہے تاہم 2011 کی ڈٰینگی وبا میں مرنے والوں کی تعداد قدرے زیادہ یعنی 371 تھی۔

یہ بھی پڑھیں:   کورونا وائرس ویکسین 18 ماہ بعد دستیاب ہوگی

انہوں نے اس کی وجہ آب و ہوا میں تبدیلی کو قرار دیا لیکن اس کی مزید وضاحت نہیں کی۔ رانا صفدر نے کہا کہ حکومت اس مسئلے کے تدارک کے لیے تمام وسائل استعمال کررہی ہے۔

ڈینگی مرض کی ماہر ڈاکٹر مہسیما صدیقی نے اس کا ذمے دار حکومت کو ٹھہراتے ہوئے کہا ہے کہ حکومتِ پنجاب اور اسلام آباد بالخصوص حفاظتی اقدامات میں ناکام ہوچکے ہیں جن میں پانی کے ذخائر پر اسپرے جیسے سادہ اقدامات بھی شامل ہیں جو اب تک نہیں کئے جارہے۔

یہ بھی پڑھیں:   ’’ میری خوبصورتی کا راز یہ ہے کہ پچھلے 28سال سے میں نے یہ چیز نہیں کھائی ‘‘ 70سال کی عمر میں 40سال کی نظر آنیوالی خاتون نے اپنی جوانی کا راز بتا دیا

انہوں نے کہا کہ حکومت اس وقت بیدار ہوئی جب سینکڑوں افراد اس سے متاثر ہوچکے تھے۔ اب بھی ایسے بہت سے علاقے ہیں جہاں ڈینگی مچھروں کے خلاف اسپرے نہیں ہوسکا۔

کیٹاگری میں : صحت