آصف زرداری اور فریال تالپور کی جیل میں اے کلاس کی درخواست مسترد

Spread the love

اسلام آباد(مانیٹرنگ ڈیسک)احتساب عدالت نے آصف علی زرداری اور فریال تالپور کی جیل میں اے کلاس دینے کی درخواستیں مسترد کردیں۔احتساب عدالت اسلام آباد نے جعلی اکاؤنٹس کیس میں گرفتار آصف علی زرداری اور فریال تالپور کی جیل میں اے کلاس دینے کی درخواستوں کی سماعت کی۔

یہ بھی پڑھیں:   سی پیک بزنس ایڈوائزری کونسل تشکیل دی جائے، وزیراعظم کی ہدایت

آصف علی زرداری کے وکیل سردار لطیف کھوسہ نے کہا کہ آصف علی زرداری دل کے مریض ہیں، آئین کے تحت سابق صدر کی حیثیت سے عمر بھر کے لئے انہیں تمام سہولیات حاصل ہیں، یہ انتظامیہ کا معاملہ نہیں، ہم بھیک نہیں مانگ رہے ہیں۔ وکیل نے فریال تالپور کی راہداری ریمانڈ کی بھی درخواست دائر کی۔

یہ بھی پڑھیں:   موبائل فون کارڈز پر تمام ٹیکس بحال

عدالت نے سماعت کے بعد آصف زرداری اور فریال تالپور کو جیل میں اے کلاس دینے کی درخواستیں مسترد کردیں تاہم ملزمان کو جیل میں سہولیات فراہم کرنے اور وکلاء و اہل خانہ سے ملاقاتوں کی درخواستیں بھی منظور کرلیں۔

عدالت نے سندھ اسمبلی اجلاس میں شرکت کیلئے فریال تالپور کے راہداری ریمانڈ کی درخواست بھی خارج کرتے ہوئے انہیں متعلقہ فورم سے رجوع کرنے کا حکم دیا۔

یہ بھی پڑھیں:   قطر نے ایک لاکھ پاکستانیوں کو روزگار فراہم کرنے کی درخواست منظور کرلی