برطانیہ کی اپنے بحری جہازوں کو آبنائے ہرمز سے باہر رہنے کی ہدایت

Spread the love

دبئی(مانیٹرنگ ڈیسک)برطانیہ نے اپنے بحری جہازوں کو ہدایت کی ہے کہ وہ عارضی مدت کے لیے آبنائے ہرمز کے علاقے سے دور رہیں۔ یہ پیش رفت ایران کی جانب سے ایک برطانوی پرچم بردار آئل ٹینکر کو تحویل میں لینے کے بعد سامنے آئی ہے۔

برطانوی حکومت کے ترجمان نے ایک بیان مین کہا ہے کہ ہم بین الاقوامی جہاز رانی کے لیے واضح چیلنج بننے والے ایران کے ان ناقابل قبول تصرفات کے سبب ابھی تک گہری تشویش محسوس کر رہے ہیں۔ ہم نے برطانوی جہازوں کو ہدایت کر دی ہے کہ وہ عارضی طور پر علاقے سے باہر رہیں۔

یہ بھی پڑھیں:   بھارتی ریاست اترپردیش میں مبینہ تجازوات کے خلاف کارروائی، 10 افراد زخمی، مسجد سمیت مسلمانوں کے کئی گھروں کو نذر آتش کردیا

ایرانی خبر رساں ایجنسی فارس نے ہفتے کے روز ایک ذمے دار کے حوالے سے بتایا کہ برطانوی تیل بردار جہاز دار جہاز ‘اسٹینا امپیرو’ ایک ایرانی شکاری کشتی سے ٹکرا گیا تھا اور اس حوالے سے مدد کی اپیل بھی نظر انداز کر دی۔

ایجنسی کے مطابق ذمے دار کا کہنا ہے کہ تحویل میں لیے جانے والے جہاز کے عملے کے 23 افراد اس وقت بندر عباس بندرگاہ پر موجود ہیں اور تحقیقات مکمل ہونے تک وہ جہاز پر ہی رہیں گے۔

یہ بھی پڑھیں:   مقبوضہ کشمیر میں 30سال کے دوران کتنے افراد شہید ہوئے؟