لاہور ہائیکورٹ نے زبردستی مذہب تبدیل کرنے والی مسیحی لڑکی کو ان کے والد کے ساتھ بھیجنے کا حکم دے دیا

لاہور (زرائع) لاہور ہائیکورٹ نے مبینہ طور پر زبردستی مذہب تبدیل کرنے والی 14 سالہ مسیحی لڑکی کو ان کے والد کے ساتھ بھیجنے کا حکم دے دیا۔

لاہور ہائی کورٹ کے جج جسٹس طارق سلیم شیخ نے فیصل آباد کے جاوید مسیح کی حبس بےجا سے متعلق درخواست پر سماعت کی، یہ درخواست چوہدری عبدالرشید ایڈووکیٹ نے پیش کی تھی۔

یہ بھی پڑھیں:   حامد میر کے دبئی میں فلیٹس ہیں یا نہیں، اس کہانی کے پیچھے اصل حقیقت کیا ہے اور ایف بی آر نے نوٹس کسے بھیجا تھا ؟ سب پتا چل گیا

درخواست گزار کا کہنا تھا کہ ‘میری مسیحی بیٹی شالٹ مسیح کو اغوا کرنے کے بعد جبری طور پر اس کا مذہب تبدیل کروا کر ظفر نامی شخص کو فروخت کیا گیا’۔

انہوں نے اپنی درخواست میں مزید بتایا کہ ظفر نامی شخص نے ان کی بیٹی کے ساتھ زبردستی نکاح بھی کیا۔دوران سماعت فیصل آباد کے تھانہ ٹھیکری والا کے اے ایس آئی حق نواز نے 14 سالہ مسیحی لڑکی کو عدالت میں پیش کیا۔

یہ بھی پڑھیں:   وزارت اعلیٰ کی پیشکش ہوئی تھی تنقید کے ڈر سے ٹھکر ا دی تھی، چودھری نثار علی خان

لڑکی نے عدالت میں بیان دیا کہ انہیں اغوا کرنے بعد زبردستی ان کا مذہب تبدیل کروایا گیا اور فروخت کیا گیا بعد ازاں ظفر نامی شخص سے ان کا نکاح بھی جبری طور پر کروایا گیا۔

متاثرہ لڑکی نے عدالت کو بتایا کہ وہ اپنے والدین کے ساتھ جانا چاہتی ہیں۔جس پر عدالت عالیہ نے لڑکی کے بیان کی روشنی میں اسے اس کے والدین کے ساتھ بھیجنے کا حکم دے دیا۔

یہ بھی پڑھیں:   اسد عمر کا وزیر خزانہ کے عہدے سے استعفیٰ، عمران خان بڑی مشکل میں پھنس گئے

خیال رہے کہ ملک میں زبردستی مذہب تبدیل کروا کر شادیاں کروانے کے حوالے سے مختلف مواقع پر متعدد رپورٹس سامنے آچکی ہیں۔