لاہور میں مبینہ طور پر شوہر کے تشدد کا نشانہ بننے والی خاتون کی میڈیکل رپورٹ سامنے آگئی

لاہور( آن لائن )لاہور میں مبینہ طور پر شوہر کے تشدد کا نشانہ بننے والی خاتون کی میڈیکل رپورٹ سامنے آگئی ہے۔ میڈیکل رپورٹ میں تشدد کی تصدیق کی گئی ہے۔ متاثرہ خاتون کی میڈیکل رپورٹ میں 6 مختلف انجریز کی نشاندہی کی گئی ہے ۔رپورٹ میں بتایا گیاہے کہ خاتون کی انگلیوں پہ خراش اور سوجن کے نشانات پائے گئے ہیں ۔

بائیں کان کے سامنے اور گال پہ بھی خراش کے نشانات ہیں۔رپورٹ میں لکھا گیاہے کہ جھگڑے کے بعد خاتون کے بائیں کان سے کم سنائی دے رہا ہے۔رپورٹ میں درج ہے کہ بائیں آنکھ میں سرخی مائل نشان ہے لیکن بینائی کا کوئی مسئلہ نہیں ہے۔

یہ بھی پڑھیں:   وزیراعظم کے روٹ میں رکاوٹ ڈالنے والی بھینسوں کے مالک پراڑھائی لاکھ روپے جرمانہ عائد

سر اور گردن کے درمیانی حصے پہ بھی زخموں کے نشانات ہیں ۔جسم پہ آنے والے زخم کسی تیز آلے کے ہوسکتے ہیں ۔مزید حقائق کے لئے بائیں ہاتھ اور سر کے ایکسرے کروانے کی ضرورت ہے۔دوسری طرف متاثرہ خاتون کا مجسٹریٹ کو دیا گیا 164کا بیان بھی سامنے آگیاہے۔

یہ بھی پڑھیں:   فوادچودھری کی معذرت قبول،چوہدری شجاعت میدان میں آگئے

متاثرہ خاتون نے اپنے بیان میں کہا فیصل 24 مارچ کو دو دوستوں کے ساتھ گھر میں داخل ہوا اور نشے کی حالت میں تھا۔شراب پینے کا شوہر نے مجھے بھی کہا اور میں نے انکار کیا۔دوستوں کے چلے جانے کے بعد شوہر نے پانی کے پائپ سے پائوں باندھ کر تشدد کیا۔

اس واقعے کو تین میرے ملازمین نے بھی دیکھا۔یاد رہے 27 مارچ کو خبر سامنے آئی تھی کہ لاہورکے علاقہ ڈیفنس میں ایک شخص نے مبینہ طور پر رقص نہ کرنے پر اپنی بیوی کو تشدد کا نشانہ بنایا ہے۔پولیس نے رقص نہ کرنے پر بیوی کو تشدد کا نشانہ بنانے والے ملزم فیصل کو ساتھیوں سمیت گرفتار کر لیا تھا۔ ملزم کے قبضہ سے استرا، برش اور دیگر سامان بھی برآمد کیے گئے۔

یہ بھی پڑھیں:   پنجاب کے اہم ترین حلقے میں جیتی ہوئی ن لیگ کی نشست بھی ہاتھ سے نکل گئی، پی ٹی آئی نے دوبارہ گنتی سے میدان مار لیا