جعلی اکاؤنٹس کیس میں آصف زرداری نے ضمانت قبل از گرفتاری کی درخواست دائر کردی

اسلام آباد(مانیٹرنگ ڈیسک)سابق صدر آصف زرداری نے جعلی اکاؤنٹس کیس میں اسلام آباد ہائی کورٹ میں ضمانت قبل از گرفتار کی درخواست دائر کر دی ہے۔

جعلی اکاؤنٹس کیس میں سابق صدر آصف زرداری نے گرفتاری سے بچنے کیلئے اسلام آباد ہائی کورٹ میں درخواست ضمانت دائر کر دی ہے، درخواست میں عدالت سے استدعا کی گئی ہے کہ نیب کو گرفتاری سے روکا جائے اور جعلی اکاؤنٹس کیس میں ضمانت قبل از گرفتاری منظور کی جائے۔

یہ بھی پڑھیں:   بحریہ ٹاؤن کراچی کی زمین کی مد میں 358 ارب روپے دینے کی پیشکش

درخواست میں آصف زرداری نے موقف اختیار کیا ہے کہ جعلی اکاؤنٹس کیس میں اب تک طلبی کے 3 سمن موصول ہو چکے ہیں، معلوم نہیں کہ میرے خلاف کتنی انکوائریز چل رہی ہیں، نیب کسی بھی انکوائری میں گرفتار کر سکتا ہے لہذا ضمانت دی جائے، گرفتاری سے بچنے کے لیے عدالت کے سوا کوئی آپشن نہیں۔

یہ بھی پڑھیں:   ٹائرز کی اسمگلنگ سے قومی خزانے کو 40ارب روپے سالانہ کا نقصان

شریک چیئرمین پیپلزپارٹی آصف زرداری نے نیب سے مقدمات کی تفصیلات کے حصول کی درخواست بھی عدالت میں دائر کی ہے جس میں کہا گیا ہے کہ نیب کو میرے خلاف تمام انکوائریوں کی فہرست فراہم کرنے کا حکم دیا جائے اور ٹرائل مکمل ہونے تک ضمانت منظور کی جائے۔