تھر کول سے بجلی کی پیداوار شروع، 330 میگا واٹ بجلی نیشنل گرڈ میں شامل

کراچی(بیورورپورٹ)تھر کول سے بجلی کی پیداوار شروع ہوگئی ہے ابتدائی طور پر 330 میگا واٹ بجلی نیشنل گرڈ میں شامل کی گئی ہے۔

ترجمان اینگرو کول مائنز کمپنی کے مطابق تھرکے21ہزارمربع کلو میٹر رقبے میں سے 9300 مربع کلو میٹر اراضی میں کوئلہ موجود ہے، یہاں پائے جانے والے 175ارب ٹن کوئلے کے ذخائر دنیا کا چوتھا بڑا ذخیرہ ہے،صرف بلاک 2 میں کوئلے کی مقدار 2 ارب ٹن ہے۔

یہ بھی پڑھیں:   سانحہ ساہیوال پرجوڈیشل کمیشن بنانے کا مطالبہ مسترد

ترجمان کا کہنا ہے کہ تھر کےکوئلے سے بجلی کی تیاری تاریخی دن ہے، تھر کول سے بجلی کی پیداوار شروع ہوگئی ہے، کوئلے سے بجلی بنانے کا ہدف 3 ماہ قبل ہی حاصل کرلیا، ابتدائی طور پر 330میگا واٹ بجلی بنا کر نیشنل گرڈ سسٹم میں شامل کردی، بجلی کی پیداوار کو مرحلہ وار بڑھایا جائے گا۔

یہ بھی پڑھیں:   اگر اپوزیشن نے عمران خان کی حکومت گرا دی تو تحریک انصاف کو فائدہ ہوگا : رؤف کلاسرا