نیب لاہور نے آشیانہ کیس میں شہبازشریف کی ضمانت چیلنج کردی

Spread the love

لاہور(نیوز رپورٹر)رمضان شوگر ملز کیس کے بعد نیب نے آشیانہ ہاوسنگ اسکیم میں شہبازشریف کی ضمانت چیلنج کردی ہے۔ تفصیلات کے مطابق نیب لاہور نے رمضان شوگر ملز کیس میں شہباز شریف کی ضمانت چیلنج کرنے کے بعد اب آشیانہ ہاوسنگ اسکیم کیس میں سابق وزیراعلیٰ پنجاب کی ضمانت سپریم کورٹ میں چیلنج کردی ہے۔

یہ بھی پڑھیں:   سابق صوبائی وزیر علیم خان کو احتساب عدالت میں پیش کردیاگیا

آشیانہ ہاؤسنگ کیس میں فواد حسن فواد کی ضمانت بھی چیلنج کی گئی ہے۔ نیب لاہور نے عدالت عظمیٰ میں دی گئی درخواست میں مؤقف پیش کیا کہ لاہور ہائی کورٹ نے حقائق اور قانون کا درست جائزہ نہیں لیا،

سپریم کورٹ نیب مقدمات میں ضمانت کا معیار مقرر کر چکی ہے، لیکن لاہور ہائی کورٹ نے عدالتی معیار کے برعکس فیصلہ دیا۔ درخواست میں مؤقف پیش کرتے ہوئے استدعا کی گئی ہے کہ سابق وزیراعلیٰ شہباز شریف اور فواد حسن فواد کیس میں مرکزی ملزمان ہیں، عدالت ہائی کورٹ کا فیصلہ کالعدم قرار دیتے ہوئے ملزمان کی ضمانتیں منسوخ کرے۔

یہ بھی پڑھیں:   سانحہ ساہیوال، دہشتگرد قرار پانے والے ذیشان کے اہلخانہ کا دھرنا،راجہ بشارت کے استعفیٰ کا مطالبہ