نواز،بلاول ملاقات سے حکومت کو کوئی خطرہ نہیں،فیصل حیات جبوآنہ

Spread the love

لاہور(نیوز رپورٹر)وزیر اعلی پنجاب کے ایڈوائزر فیصل جبوآنہ نے کہا ہے کہ (ن) لیگ والے تین دہائیاںپنجاب میں حکومت کر تے رہے لیکن اس کے باوجود ایک بھی ایسا معیاری ہسپتال نہیں بنا سکے جہاں ان کا اپنا علاج ہو سکے ۔

نواز شریف اور بلاول کے درمیان ہونے والی ملاقات سے حکومت کو کوئی خطرہ نہیں ان خیالات کا اظہار انہوں نے گزشتہ روز میڈیا سے گفتگو کرتے ہوئے کیا ۔

یہ بھی پڑھیں:   پاکستانی ٹیکس گزاروں کو 74ارب ڈالرغیرملکی قرضہ ادا کرنا ہے، اسد عمر

انہوں نے کہا کہ پیپلز پارٹی اور (ن) لیگ کا گٹھ جوڑ کبھی کامیاب نہیں ہوگا ، دونوں جماعتیں اس وقت اپنی اپنی سیاسی بقاءکےلئے ہاتھ پاﺅں مار رہی ہیں،

بلاول بھٹو کی نواز شریف سے ملاقات ان کی مزاج پرسی کیلئے نہیں بلکہ ایک دوسرے کو بچانے کے نئے میثاق کی تیاری کیلئے تھی ۔ انہوں نے کہا کہ نواز شریف جب بھی اپوزیشن میں ہوتے ہیں نظریاتی ہو جاتے ہیں ،یہ ملاقات بھی نظریہ ضرورت کے تحت ہوئی ہے اور بہت جلد اس ملاقات کی اصل کہانی سامنے آ جائے گی۔

یہ بھی پڑھیں:   پاکستان میں کورونا وائرس سے متاثر مریضوں کی تعداد 932 ہوگئی

انہوں نے کہا وزیر اعلی پنجاب عوام کےلئے دن رات کام کر رہے ہیں انہیں شہباز شریف کی طرح ڈھول پیٹنا نہیں آتا وہ حقیقی معنوں میں عوام کی خدمت کر رہے ہیں ۔

انہوں نے کہا کہ پی ٹی آئی نے اپنوں کو نوازنے کےلئے جعلی ٹھیکے دے کر عوام کے پیسے سے کوئی کھلواڑ نہیں کیا ۔وزیر اعلی پنجاب عثمان بزدار ایک ایک پائی امانت سمجھ کر خرچ کر رہے ہیں

یہ بھی پڑھیں:   کشمیر کے حالات مزید بگڑے تو نہ میرے اور نہ ٹرمپ کے قابو میں رہیں گے،عمران خان