گھس کر مارنے کی دھمکی دینے والوں کو پاکستان نے سبق سکھادیا، فواد چوہدری

Spread the love

جہلم(بیورورپورٹ)وفاقی وزیر اطلاعات فواد چوہدری نے کہا ہے کہ گھس کر مارنے کی دھمکی دینے والوں کو پاکستان نے سبق سکھادیا۔ جہلم میں عوامی اجتماع سے خطاب کرتے ہوئے فواد چوہدری نے گھس کر مارنے کی بڑھکیں مارنے والےنریندر مودی کو کرارا جواب دیتے ہوئے کہا کہ کہتے تھے گھس کر ماریں گے ، گھس کر دیکھ لیا ناں ! پھر کیا بنا ؟ ہم نے انہیں سبق سکھا دیا۔

یہ بھی پڑھیں:   جاوید ہاشمی کو سابق وزیراعظم نوازشریف سے ملاقات سے روک دیا گیا

فواد چوہدری نے کہا کہ وزیراعظم عمران خان کی امن پسندانہ پالیسی نےجنگ کو ٹال دیا اور یہی وجہ ہے کہ امریکی میڈیا کہتا ہے کہ پاکستان کے وزیراعظم کو نوبل کا انعام دینا چاہیے کیونکہ انہوں نے دنیا کو اتنی بڑی جنگ سے بچایا ہے

اگر عمران خان کو عزت ملتی ہے تو پاکستان کو عزت ملتی ہے مگر جو لوگ اسمبلی میں عمران خان کا مذاق اڑاتے ہیں ان کے نزدیک فوج کا بھی کوئی احترام نہیں ہے۔ وفاقی وزیراطلاعات نے کہا کہ آج خلیجی ریاستوں سمیت دنیا عمران خان کو عزت و احترام دے رہی ہے،

یہ بھی پڑھیں:   ہندو انتہا پسندوں نے شاہ رخ خان پر کروڑوں روپے خفیہ طریقے سے پاکستان بھجوانے کا الزام لگادیا

عمران خان کو ملنے والی عزت دراصل پاکستان اور پاکستانی قوم کی عزت ہے، پوری قوم عمران خان کے پیچھے کھڑی ہے۔اپوزیشن کو آڑے ہاتھوں لیتے ہوئےوفاقی وزیر نے کہا کہ خورشید شاہ کہتے ہیں کہ نوازشریف کو کچھ ہوا تو مقدمہ عمران خان پر کریں گے دراصل ان کو نوازشریف کی نہیں بلکہ اپنے جیل جانے کی فکر ہے،

یہ بھی پڑھیں:   سانحہ ساہیوال پر جے آئی ٹی کی ابتدائی تحقیقات ،نااہلی ثابت

انہوں نے جو کرتوت کیے وہ سب کے سامنے ہیں،حکومت کا اپوزیشن سے کوئی جھگڑا نہیں صرف ایک لڑائی ہے کہ عوام کے پیسوں کا حساب دو، جب ان سے حساب مانگا جائے تو کہتے ہیں میں بیمار ہوں، ہم کہتے ہیں ’نہ رو‘، ’حساب دو‘، وہ کہتے ہیں این ار او۔