نجی شعبوں کے قرضوں میں 92 فیصد کا اضافہ

Spread the love

کراچی (زرائع) اسٹیٹ بینک آف پاکستان (ایس بی پی) کے جاری کردیا ڈیٹا کے مطابق نجی شعبوں کے قرضوں میں 92 فیصد اضافہ سامنے آیا جو جولائی سے 22 فروری تک 600.5 ارب روپے ہوگئے جبکہ یہ گزشتہ سال اس ہی مدت کے دوران 312 ارب تھے۔قرضوں میں اضافہ ایسے وقت میں سامنے آیا جب جنوری 2018 میں اسٹیٹ بینک نے سود کی شرح 5.75 فیصد سے بڑھا کر 10.25 فیصد کردی تھی۔

یہ بھی پڑھیں:   پاکستان اسٹاک ایکسچینج میں گزشتہ ہفتے 100 انڈیکس میں کمی

عام بینکوں کے قرضے 8 ماہ میں 204.4 ارب روپے سے بڑھ کر 409.8 ارب روپے ہوگئے جبکہ اسلامک بینکوں میں بھی قرضہ گزشتہ سال کے 23.8 ارب روپے کے مقابلے میں 90 ارب روپے ہوگئے۔کمرشل بینکوں کی اسلامک بینکنگ میں بھی نجی شعبوں کو قرضے گزشتہ سال کے 84 ارب روپے کے مقابلے میں 100 ارب روپے تک پہنچ گئے۔

بینکروں کا کہنا ہے کہ نجی شعبوں میں رقم کا زیادہ بہاؤ بینکوں کے پاس رواں اثاثوں (لیکوئیڈیٹی) کو ایک جگہ رکھنے کے کم آپشنز کی وجہ سے ہیں جبکہ حکومت نے بینکوں سے طویل المدتی قرضوں کو بھی کم کردیا ہے جو گزشتہ حکومت میں عام بات تھی اور اس سے سرمایہ پر زیادہ منافع حاصل ہوتا ہے۔

یہ بھی پڑھیں:   ورلڈ بینک نے 75 کروڑ ڈالر کے قرض کی منظوری مؤخر کردی

افراط زر اور شرح سود میں مسلسل اضافہ سامنے آیا ہے تاہم نجی شعبوں کی جانب سے قرضے حاصل کرنا کم نہیں ہوا۔یہ اضافے نمو اور پھیلاؤ میں رکاوٹ بن سکتے ہیں تاہم ان سے مالی سال 2019 میں معاشی نمو میں واضح بہتری سامنے آئے گی۔

سینیئر بینکر کا کہنا تھا کہ یہ اعداد و شمار حکومت کے لیے حوصلہ افزا ہے کیونکہ نجی شعبے شرح سود میں اضافے کے باوجود نہایت تیزی سے قرضے لے رہیں تاہم انہوں نے خبردار کیا کہ شرح سود میں اضافے کے وقت پر نجی شعبوں کے قرضے حاصل کرنے سے بینکوں میں کارکردگی کا مظاہرہ نہ کرنے والے قرضوں میں اضافہ کردے گا۔

یہ بھی پڑھیں:   ایمریٹس نے پاکستانی مسافروں کے لئے سپر سیل کے نام سے خصوصی کرایوں کا اعلان کردیا