مسلم لیگ (ن) کی وکٹیں تیزی سے گرنا شروع، بڑی تعداد میں لوگ پی ٹی آئی میں شامل ہوگئے

Spread the love

اسلام آباد(یوپی آئی )مسلم لیگ( ن)آزاد کشمیر کی وکٹیں تیزی سے گرنا شروع ہو گئیں۔ بڑی تعداد میں لوگ پی ٹی آئی کشمیر میں شامل ہوگئے۔

اس موقع پرمرکزی ایڈیشنل سیکریٹری جنرل مسلم لیگ ن علماء مشائخ و سابق امیدوار اسمبلی مفتی محمد الطاف خان ،سابق امیدوار اسمبلی و سابق چیف آرگنائزر مسلم لیگ ن راجہ زاہدالرحمن،مرکزی رہنماء مسلم لیگ ن راجہ عبدالقیوم خان،مرکزی رہنماء مسلم لیگ ن جاوید اقبال بٹ، قاری محمد ایوب علماء مشائخ ونگ میرپور،راجہ اسامہ خان یوتھ ونگ مسلم لیگ ن، عثمان عباسی چیف آرگنائزر مسلم کانفرنس یوتھ ونگ ،چوہدری جبران یوتھ ونگ پیپلز پارٹی،مرزا حماد مسلم لیگ ن یوتھ ونگ،قاری محمد حمزہ خان صدر یوتھ ونگ مسلم لیگ ن چترپڑی اور دیگرنے اپنے سینکڑوں ساتھیوں سمیت پی ٹی آئی کشمیر میں شمولیت کا اعلان کیا۔

یہ بھی پڑھیں:   سانحہ ساہیوال: لاہور ہائی کورٹ میں جے آئی ٹی کی رپورٹ جمع کروادی گئی

اس بات کا اعلان انھوں نے آج یہاں پی ٹی آئی کشمیر کے مرکزی سیکریٹیریٹ اسلام آباد میں آزادکشمیر کے سابق وزیراعظم و پی ٹی آئی کشمیر کے صدر بیرسٹر سلطان محمود چوہدری کی موجودگی میں ایک تقریب میں کیا۔ اس موقع پر پی ٹی آئی کشمیر ویمن ونگ کی مرکزی رہنماء ڈاکٹر عشرت سجاد، پی ٹی آئی کشمیر کے مرکزی سیکریٹری اطلاعات سردار امتیاز خان اور دیگر بھی موجودتھے۔

اس موقع پرتقریب سے خطاب کرتے ہوئے بیرسٹر سلطان محمود چوہدری نے کہا ہے کہ آزاد کشمیر میں عوام کو اب اس بات کا احساس ہو گیا ہے کہ پی ٹی آئی کشمیر ہی وہ واحد جماعت ہے جو انکے مسائل حل کراسکتی ہے جبکہ مسلم لیگ ن نے اپنی حکومت میں جس طرح بھارت سے کشیدگی میں بے حسی اور سرمہری کا مظاہرہ کیا اس سے اب لوگ یہ سمجھ چکے ہیں کہ پی ٹی آئی کشمیر ہی عوام کے حقوق کا تحفظ کر سکتی ہے۔سیئز فائر لائن کے متاثرین کے لئے وزیر اعظم عمران خان جلدایک بڑے پیکج کا اعلان کریں گے اور اسی طرح آزاد کشمیر کے عوام کی خوشحالی اور آزاد کشمیر میں تعمیر و ترقی کے لئے بھی جلد منصوبے شروع کیے جائیں گے۔

یہ بھی پڑھیں:   فیس بک استعمال پر خاتون نے شوہرکوگرفتار کرادیا

انھوں نے کہا کہ اس ساری صورتحال میں آزاد کشمیر حکومت سئیز فائر لائن کے متاثرین کو درپیش مشکلات حل کرانے میں ناکام رہی ہے اور اسے عوامی مسائل حل کرانے سے کوئی دلچسپی نہیں۔انھوں نے کہا کہ پی ٹی آئی کشمیر عوام کے مسائل حل کرانے اور انکو انکے حقوق دلوانے کے لئے کوئی دقیقہ فروگذشت نہیں رکھے گی۔آزاد کشمیر حکومت کو عوامی مشکلات سے کوئی سرو کار نہیں۔

یہ بھی پڑھیں:   کاروباری برادری کا اعتماد بحال،وزیراعظم نے عام آدمی کو ہر ممکن ریلیف فراہم کرنے کیلئے بڑے اقدام کا اعلان کردیا

بیرسٹر سلطان محمود چوہدری نے اس موقع پر پی ٹی آئی کشمیر میں شمولیت اختیار کرنے والوں کو خوش آمدید کہتے ہوئے کہا کہ آپ لوگ پی ٹی آئی کشمیر میں جو جذبہ لے کر آئے ہیں آپ کو مایوسی نہیں ہو گی اور آپ کو پارٹی میں جائز مقام دیا جائے گا ۔