ہمیں اپنی فوج اور اداروں پر مکمل اعتماد ہے بھارت کسی بھول میں نہ رہے،غلام بی بی بھروانہ

جھنگ(نامہ نگار) ہمیں اپنی فوج اور اداروں پر مکمل اعتماد ہے بھارت کسی بھول میں نہ رہے. حکومت ،اپوزیشن جماعتیں ،عوام ملک کی حفاظت کے لیے ایک پلیٹ فارم پر ہیں

مودی سرکار انتخابات میں اپنی شکست اور ناقص پالیسیوں کی چھپانے کے لیے بھارتی عوام کی قربانی دینا چاہتے ہیں ۔مسئلہ کشمیر کی باتیں اقوام عالم میں بھی ہورہی ہیں بھارت جتنا مرضی پروپیگنڈہ کر کے اس کا اصلی چہرہ دنیا کے سامنے ظاہر ہوگیا ہے ان خیالات کا اظہار ممبر قومی اسمبلی غلام بی بی بھروانہ نے میڈیا کے نمائندوں سے گفتگو کے دوران کیا ۔

یہ بھی پڑھیں:   جھنگ:ایڈیشنل ڈپٹی کمشنر ریونیو چوہدری محمد اشرف گجر کی زیر صدارت پرائس کنٹرول مجسٹریٹس کی کارکردگی جائزہ اجلاس

غلام بی بی بھروانہ نے کہا کہ پوری دنیا میں پاکستان کا مثبت اور بھارت کا منفی چہرہ عیاں ہوگیا ہے بھارت کی پہلے پاکستان کی فضائی حدود کی خلاف ورزی اورپھر بحری حدود کی خلاف ورزی کی کوشش پر پاک فوج و پاک فضائیہ کی جوابی کارروائی اور سر پرائز نے بھارت کوباور کروا دیا کہ بھارت کسی بھول میں نہ رہے پاکستان ایک ایٹمی قوت ہے جس کی بری،بحری اور فضائی حدود کی حفاظت کے لیے وطن کے بیٹے ہر لمحہ تیار رہتے ہیں

یہ بھی پڑھیں:   جھنگ:پولیس نے سال 2019 کے دوران1621 اشتہاری مجرمان، 669عدالتی مفروران اور 322عادی مجرمان گرفتار کئے

انہوں نے کہا کہ وزیر اعظم پاکستان عمران خان نے بھارت سمیت پوری دنیا کو پیغام دیا کہ پاکستان امن پسند ملک ہے آج اقوام عالم پاکستانی حکومت کے عمل اور وزیر اعظم عمران خان کو سراہا رہے ہیں وزیر اعظم عمران خان کی بہترین پالیسیوں اور امن کی کی کوششوں کاپرچار پڑوسی ملک بھارت بھی کررہا ہے

انہوں نے کہا کہ جنگ کسی مسئلہ کا حل نہیں بھارت ہوش کے ناخن لے مقبوضہ کشمیر سے بھارتی فوج کونکالا جائے کشمیریوں کو ان حق آزادی دیا جائے دنیا اور خود بھارت بھی جان چکا ہے کہ کشمیر پر مزید فوج کو مسلط کر کے قابض رہنا اب اس کے بس کی بات نہیں کشمیری اپنے حق آزادی کے لیے نکل آئے ہیں ۔

یہ بھی پڑھیں:   سندھ کالج گیمز کے زون ٹو 4 کا گورنمینٹ بوائز کالج ٹھٹھہ میں آغاز

اقوام عالم نے پاکستان اور کشمیریوں کے موقف کی تائید کی ہے اور مسئلہ کشمیر کے فوری حل کے لیے زور دیا ہے محترمہ غلام بی بی بھروانہ نے کہا ہے پاکستان کی 21کروڑ عوام وطن عزیز کی حفاظت حکومت اور فوج کے شانہ بشانہ کھڑی ہے ۔ہمارامذہب امن و محبت کا پیغام دیتا ہے اسے کمزوری نہ سمجھا جائے ۔