ہندو انتہا پسندوں نے شاہ رخ خان پر کروڑوں روپے خفیہ طریقے سے پاکستان بھجوانے کا الزام لگادیا

ممبئی(آن لائن) ہندو انتہا پسندوں نے شاہ رخ خان پر منی لانڈرنگ کا الزام لگادیا، کروڑوں روپے خفیہ طریقے سے پاکستان بھجوانے کا الزام عائد۔سوشل میڈیا پر ایک ویڈیو گردش کررہی ہے جس میں یہ دعویٰ کیا جارہا ہے کہ شاہ رخ خان نے بہاولپور ٹینکر حادثے کے متاثرین کے لیے 45 کروڑ روپے پاکستان بھجوائے۔

یہ ویڈیو وائرل ہونے کی دیر تھی کہ شاہ رخ خان سے محبت کا دعویٰ کرنے والے بھارتیوں نے یوٹرن لیتے ہوئے کنگ خان کے خلاف محاذ کھول لیا۔سوشل میڈیا صارفین نے کنگ خان کو آڑے ہاتھوں لیتے ہوئے کہا پلوامہ حملے کے بعد جب امیتابھ بچن اور سلمان خان سمیت متعدد بالی ووڈ فنکار حملے میں مرنے والے جوانوں کی مدد کررہے ہیں اسی وقت شاہ رخ خان بھارتی پیسے پاکستان بھجوارہے ہیں۔

یہ بھی پڑھیں:   حکومت نے اپوزیشن کو توڑنے کی بہت کوشش کی، شیر ی رحمان

سوشل میڈیا پر یہ بھی کہا جارہا ہے کہ شاہ رخ خان نے حملے میں ہلاک ہونے والوں کے لیے ہمدردی کے بول تک نہیں بولے، شاہ رخ خان جان بوجھ کر ہندوؤں کے جذبات کو ٹھیس پہنچاتے ہیں۔ کچھ لوگوں نے لکھا ہم ہندو اگر شاہ رخ خان کی فلمیں دیکھنا بند کردیں تو یہ 45 کروڑ کیا 45 روپے بھی پاکستان بھجوانے کے لائق نہیں رہے گا۔

یہ بھی پڑھیں:   ایف بی آرٹیکس چوروں سے ریکوری اورنان فائلرزکوٹیکس نیٹ میں لانے پرتوجہ دے، وزیراعظم

بھارتی پاکستان سے نفرت میں اتنے اندھے ہوگئے ہیں کہ انہیں یہ بھی نہیں معلوم کہ شاہ رخ خان کی جانب سے 45 کروڑ روپے پاکستان بھجوائے جانے کی ویڈیو ابھی کی نہیں بلکہ اسے کروپ (کانٹ چھانٹ )کرکے اب وائرل کیاگیاہے۔