سعودی عرب کی جیلوں میں جدہ سے 5پاکستانی رہائی ملنے کے بعد لاہور پہنچ گئے

لاہور( آن لائن)سعودی عرب کی جیلوں میں قید پاکستانیوں کی رہائی کے بعد وطن واپسی کا سلسلہ باقاعدہ طور پر شروع ہو گیا ہے ۔تفصیلات کے مطابق سعودی عرب کی جیلوں میں قید پاکستانیوں کا وطن واپسی کا سلسلہ شروع ہو گیا جبکہ جمعرات کے روز جدہ سے 5پاکستانی رہائی ملنے کے بعد لاہور پہنچ گئے۔

یہ بھی پڑھیں:   نواز شریف کی 11 میں سے 10 ٹیسٹ رپورٹس نارمل ہیں،وزیر اطلاعات پنجاب

ذرائع کے مطابق ایئرپورٹ پر اترتے ہی وہ سجدہ میں گر گئے، فیڈرل انویسٹی گیشن ایجنسی(ایف آئی اے )امیگریشن نے جانچ پڑتال کے بعد انھیں گھروں کوجانے کی اجازت دیدی۔ ان کی آنکھوں میں خوشی کے آنسو تھے، انھوں نے وزیراعظم عمران خان زندہ باد کے نعرے لگائے۔

ان کا کہنا تھا کہ بڑی مشکل حالات دیکھے ایک دو برسوں سے گھر ایک پائی بھی کما کر نہیں بھجوا سکے، رہائی ملنے پر اللہ کے بعد عمران خان اور سعودی ولی عہد شہزادہ سلمان بن محمد کے شکر گزار ہیں، انہوں نے بتایا کہ ابھی بہت سے قیدی ہیں جن کو ایک دو روز میں رہائی مل جائیگی ان کی سفری دستاویزات مکمل ہوتے ہی وطن واپس پہنچ جائیں گے۔

یہ بھی پڑھیں:   امید ہے عمران خان کی قیادت میں پاکستان ترقی کرے گا، سعودی ولی عہد