سعودی ولی کا دورہ بھارت، دونوں ملکوں کے درمیان 44 ارب ڈالر کے معاہدوں کا بھی امکان

نئی دہلی (آن لائن ) سعودی ولی عہد محمد بن سلمان دو روزہ دورے پر بھارت پہنچ گئے۔ سعودی ولی عہد محمد بن سلمان کے نئی دہلی پہنچنے پر بھارتی وزیراعظم نریندر مودی نے ان کا استقبال کیا۔

بھارتی میڈیا کے مطابق سعودی ولی عہد کے دورے میں مختلف شعبوں میں دو طرفہ تعاون اور مفاہمت کی 5 یادداشتوں پر دستخط ہوں گے۔بھارتی میڈیا کا کہنا ہے کہ دونوں ملکوں کے درمیان 44 ارب ڈالر کے معاہدوں کا بھی امکان ہے۔یاد رہے کہ سعودی ولی عہد محمد بن سلمان 17 فروری سے ایشیا کے دورے پر ہیں جہاں وہ دورے کے پہلے مرحلے میں 17 فروری کو پاکستان پہنچے تھے۔ولی عہد نے دورہ پاکستان میں 20 ارب ڈالر کی سرمایہ کاری کا اعلان کیا اور اس میں مزید اضافے کا ارادہ بھی ظاہر کیا۔