سعودی ولی عہد کا دورہ پاکستان،تفصیلات جاری،صدر مملکت، وزیراعظم اور آرمی چیف قمر سے ملاقاتیں ہونگیں

اسلام آباد(مانیٹرنگ ڈیسک)وزیر اعظم پاکستان عمران خان کی دعوت پر سعودی عرب کے ولی عہد محمد بن سلمان 16 فروری کو 2 روزہ سرکاری دورے پر پاکستان آئیں گے۔

ان کے ساتھ اعلی سطح کا وفد بھی پاکستان پہنچے گا جس میں سعودی شاہی خاندان کے افراد، وزراء اور بڑی کاروباری شخصیات شامل ہوں گی۔

یہ بھی پڑھیں:   ایون فیلڈریفرنس؛ نوازشریف اور مریم نواز کی سزا معطلی کیخلاف نیب اپیل خارج

دفتر خارجہ نے سعودی ولی عہد کے دورہ پاکستان کی تفصیلات جاری کر دیں جن کے مطابق ولی عہد بننے کے بعد محمد بن سلمان کا یہ پہلا سرکاری دورہ پاکستان ہو گا۔

اس سے قبل وہ وزیر دفاع کی حیثیت سے پاکستان تشریف لا چکے ہیں۔ سعودی ولی عہد صدر مملکت عارف علوی، وزیراعظم عمران خان اور آرمی چیف قمر جاوید باجوہ سے ملاقاتیں کریں گے۔

یہ بھی پڑھیں:   نواز شریف اب بھی وزیراعظم ہیں،نواز شریف کی نا اہلیت سے متعلق نوٹیفیکشن کا خاتمہ،بڑی خبر

جاری کردہ تفصیلات کے مطابق پاکستانی سینیٹ کا وفد بھی شہزادہ محمد بن سلمان سے ملاقات کرے گا جس کے بعد سعودی وزراء دوطرفہ تعاون بڑھانے کے لیے پاکستانی ہم منصب وزیروں سے ملاقاتیں کریں گے۔

دفتر خارجہ کے مطابق دونوں ممالک کی کاروباری شخصیات کے مابین نجی شعبے میں تعاون بڑھانے کے لیے ملاقاتیں بھی شیڈول ہیں۔

یہ بھی پڑھیں:   پیپلزپارٹی فوجی عدالتوں کی مدت میں توسیع کے بل کی حمایت سے ہجکچانے لگی