پاکستان کی کرتارپور مذاکرات کے لیے بھارت کو 13 مارچ کی تاریخ تجویز

اسلام آباد(مانیٹرنگ ڈیسک) پاکستان نے بھارت کو کرتار پور راہدری پر مذاکرات کے لیے 13 مارچ کی تاریخ تجویز کردی۔تفصیلات کے مطابق حکومتِ پاکستان نے بابا گرونانک کے 550 ویں جنم دن کے موقع پر کرتار پور راہداری کھولنے کے ارادے کا اظہار کرتے ہوئے بھارت کو مذاکرات کی دعوت دی تھی۔ جواب میں بھارت نے بھی پاکستان کو اپنا وفد نئی دہلی بھیجنے کی تجویز دی تھی اور کہا تھا کہ پاکستان اپنا وفد 26 فروری یا پھر 7 مارچ کو نئی دہلی بھیج سکتا ہے۔

یہ بھی پڑھیں:   بابری مسجد کی جگہ رام مندر کی تعمیر، انتہا پسند مودی نے سب حدیں پار کردیں

دفتر خارجہ کے بیان میں کہا گیا ہے کہ کرتارپور راہداری پر مذاکرات کے لیے پاکستان نے بھارت کو 13 مارچ کی تاریخ تجویز کردی ہے اور کہا ہے کہ پاکستانی وفد 13 مارچ کو بھارت کا دورہ کرے گا۔

ترجمان دفترخارجہ ڈاکٹر محمد فیصل کا کہنا ہے کہ ہماری تجویز ہے کہ پاکستانی وفد کے دورے کے بعد بھارتی وفد جواب میں 28 مارچ کو پاکستان کا دورہ کرے، پاکستان بھارت کی جانب سے مثبت جواب کا منتظر ہے۔

یہ بھی پڑھیں:   آج رات 12بجے تمام مسروقہ غیر استعمال شدہ فون بند کردئیے جائینگے، پی ٹی اے