سانحہ ساہیوال، جوڈیشل کمیشن تشکیل نہ دینے کا اقدام ہائیکورٹ میں چیلنج کر دیا گیا

Spread the love

لاہور(ویب ڈیسک )سانحہ ساہیوال، جوڈیشل کمیشن تشکیل نہ دینے کا اقدام ہائیکورٹ میں چیلنج کر دیا گیا ۔تفصیلات کے مطابق سانحہ ساہیوال کیس میں جوڈیشل کمیشن تشکیل نہ دینے کا اقدام مقتول ذیشان کے بھائی احتشام نے لاہورہائیکورٹ میں چیلنج کردیا۔ درخواست احتشام کی جانب سے سید فرہاد علی شاہ ایڈووکیٹ نے دائرکی۔

یہ بھی پڑھیں:   پاکستان اپنی سرزمین کسی بھی ملک کیخلاف استعمال نہیں ہونے دے گا،ڈی جی آئی ایس پی آر

درخواست میں استدعا کی گئی کہ میرے بھائی کو دہشت گرد قراردیا گیا، ذیشان شریف انسان تھا، ہمیں کسی امداد کی ضرورت نہیں۔ درخواست میں استدعا کی گئی کہ سانحہ ساہیوال کی تحقیقات کے لیے جوڈیشل کمیشن تشکیل دیا جائے اورذیشان کے قاتلوں کے خلاف مقدمہ درج کرکے بے گناہ قرار دیا جائے۔
واضح رہے کہ وزیراعظم عمران خان نے گزشتہ ہفتے لاہور کے دورے کے دوران اعلی سطحی اجلاس میں سانحہ ساہیوال پر جوڈیشل کمیشن بنانے کا عندیہ دیا تھا۔

یہ بھی پڑھیں:   پاکستان مسلم لیگ ن یہ ملک کسی اناڑی کے حوالے نہیں کرے گی، مریم اورنگزیب