ڈچ سیاستدان گیرٹ وائلڈر کے ساتھی نے اسلام قبول کرلیا

ہالینڈ(مانیٹرنگ ڈیسک) گستاخ رسول ڈچ سیاستدان گیرٹ وائلڈر کے ساتھی نے اسلام قبول کرلیا۔ جورم وان کلیورن کا کہنا ہے کہ اسلام سے متعلق جو کچھ جانتا تھا وہ سب غلطی فہمی تھی، پارٹی پالیسی کے باعث اسلام مخالف سرگرمیوں میں ملوث رہا۔

تفصیلات کے مطابق گستاخانہ خاکوں کے شرانگیز اور شرمناک کام میں ملوث گستاخ رسول ڈچ سیاستدان گیرٹ وائلڈر کے ساتھی نے اسلام قبول کرلیا ہے۔جورم وان کلیورن کا کہنا ہے کہ ایک وقت میں وہ بھی اپنی سابقہ جماعت کے سربراہ گیرٹ وائلڈر کی طرح اسلام مخالف تھا، تاہم پھر وقت کے ساتھ ساتھ حقائق ان پر آشکار ہوتے گئے۔

یہ بھی پڑھیں:   123 یہودی انتہا پسندوں کی قبلہ اول کی اندر گھس کر بے حرمتی

جورم وان کلیورن کا کہنا ہے کہ انہوں نے مراکشی مسلمانوں سے متعلق نسل پرستانہ ریمارکس کے معاملے پر گیرٹ وائلڈر سے علیحدگی اختیار کر لی تھی، جبکہ وہ اسلام سے متعلق ایک کتاب بھی لکھ رہے تھے۔

انھوں نےبتانا کہ اسلام سے متعلق کتاب کی تحریر کے دوران انہیں دین اسلام کی اصل حقیقت معلوم ہوئی، جس کے بعد ان کے نظریات مکمل طور پر بدل گئے۔

یہ بھی پڑھیں:   سعودی دارالحکومت ریاض میں میوزیکل شو کے دوران فنکاروں پر قاتلانہ حملہ کردیا گیا

جورم وان کلیورن مزید بتاتے ہیں کہ کتاب کی تحریر کے دوران وہ دین اسلام سے قریب سے قریب تر ہوتے گئے اور پھر بالآخر گزشتہ برس اکتوبر میں مسلمان ہوگئے تھے۔

واضح رہے کہ ہالینڈ میں مسلمانوں اور اسلام کیخلاف نظریات رکھنے والے سیاستدانوں کو خاصی مقبولیت حاصل ہے، تاہم اس قدر شدید نفرت کے باوجود ماضی میں بھی کچھ ڈچ سیاستدان دائرہ اسلام میں داخل ہو چکے ہیں اور اب پھر سے ایک ڈچ غیر مسلم سیاستدان دائرہ اسلام میں داخل ہوگیا ہے۔