صدام حسین کی قصیدہ گوئی جُرم نہیں: عراقی جوڈیشل کونسل

Spread the love

دبئی(العربیہ ڈاٹ نیٹ)عراق کی سپریم جوڈیشل کونسل نے سابق مصلوب صدر صدام حسین کی تعریف کرنے اور ان کے حق میں قصیدہ گوئی کو جرم قرار دینے سے متعلق خبروں کی سختی سے تردید کی ہے۔

عراقی جوڈیشل کونسل کی جانب سے ایک وضاحتی بیان سامنے آیا ہے جس میں کہا گیا ہے کہ کونسل نے مصلوب صدر صدام حسین کی تعریف کرنے پر کسی شخص کی گرفتاری کا حکم نہیں دیا اورنہ ایسی کوئی گرفتاری عمل میں لائی گئی ہے۔

یہ بھی پڑھیں:   محمد بن سلمان نے عمران خان سے کیا وعدہ پورا کردیا ، سعودی جیلوں سے 1200 سے زائد پاکستانی رہا

خیال رہے کہ حال ہی میں عراق کے سوشل میڈیا پر ایک خبر وائرل ہوئی تھی جس میں کہا گیا تھا کہ ذی قار گورنری کے سیکیورٹی حکام نے ایک عوامی شاعر صلاح الحرباوی کو حراست میں لیا ہے۔ ان پر اپنی شاعری میں صدام حسین کی تعریف کرنے اور ان کی قصیدہ گوئی کا الزام عاید کیا گیا ہے۔

یہ بھی پڑھیں:   افغان دارالحکومت کابل میں دھماکہ،4 افراد ہلاک ، 90 زخمی

شہریوں‌ نے الحرباوی کی گرفتاری کی خبر پر سخت غم وغصے کا اظہار کیا ہے جس کے بعد سپریم جوڈیشل کونسل نے واضح‌ کیا ہے کہ صدام حسین کی تعریف کرنے کو جرم قرار دیا گیا اور نہ ہی ایسا کرنے پر کوئی سزا مقرر کیا ہے۔

جوڈیشل کونسل کا کہنا ہے کہ کونسل صدام حسین کی تعریف کوجرم قرار دینے کی مجاز نہیں تاہم یہ کام پارلیمنٹ کا ہے۔ اگر پارلیمنٹ اس حوالے سے کوئی قانون سازی کرتی ہے تو جوڈیشل کونسل اس پرعمل درآمد کی پابند ہو گی۔

یہ بھی پڑھیں:   افغانستان میں امریکی بمباری سے بچوں سمیت 16 شہید

عراقی شہریوں کا کہنا ہے کہ پارلیمنٹ نے صدام حسین کی ‘البعث’ پارٹی پر پابندی عاید کر رکھی ہے اور ان کی جماعت کی حمایت کرنے والوں کو گرفتار کرکے جیلوں میں ڈالا جا رہا ہے۔

Related