سعد رفیق کیخلاف وعدہ معاف گواہ بننے والے ملزم کی ضمانت منظور، رہائی کا حکم

لاہور(مانیٹرنگ ڈیسک)لاہور ہائیکورٹ نے پیرا گون ہاؤسنگ کیس میں خواجہ سعد رفیق کے خلاف وعدہ معاف گواہ بننے والے ملزم قیصر امین بٹ کی ضمانت منظور کرتے ہوئے اسے رہا کرنے کا حکم جاری کردیا۔ لاہور ہائیکورٹ کے جسٹس ملک شہزاد احمد کی سربراہی میں دو رکنی بینچ نے قیصر امین بٹ کی درخواست ضمانت پر سماعت کی۔ اس موقع پر پراسیکیوٹر نیب نے کہا کہ قیصر امین بٹ پیراگون کیس میں وعدہ معاف گواہ بن چکے ہیں اس لیے ان کی ضمانت منظور ہونے پر نیب کو کوئی اعتراض نہیں۔عدالت نے فریقین کے دلائل کے بعد قیصر امین بٹ کی درخواست ضمانت منظور کرتے ہوئے انہیں رہا کرنے کا حکم دے دیا۔

یہ بھی پڑھیں:   پنجاب فارنزک لیبارٹری نے سانحہ ساہیوال کی تحقیقات میں دھوکا دینے کی کوشش کا بھانڈا پھوڑ دیا

Related

اپنا تبصرہ بھیجیں