imran khan

بہت ہوگیا! پنجاب، اسلام آباد پولیس قوانین کی دھجیاں اڑا رہی ہیں، عمران خان

سابق وزیر اعظم عمران خان نے کہا ہے کہ بس بہت ہوگیا، پنجاب و اسلام آباد پولیس ڈھٹائی سے قوانین کی دھجیاں اڑا رہی ہے۔

سماجی رابطے کی ویب سائٹ ٹوئٹر پر اپنے بیان میں عمران خان نے کہا کہ اظہر مشوانی کو آج دوپہر لاہور سے اغوا کیا گیا، انہیں کہاں رکھا گیا پتا نہیں چل رہا ہے۔

انہوں نے کہا کہ 18مارچ کو سینیٹر شبلی فراز، عمر سلطان کو اسلام آباد پولیس نے تشدد کا نشانہ بنایا، حسان نیازی کو ضمانت ملنے کے بعد پولیس نے گرفتار کیا۔

یہ بھی پڑھیں:   وزیراعظم عمران خان کی بوزی ٹاپ پر معصوم افراد پر دہشتگرد حملے کی شدید مذمت

چیئرمین پی ٹی آئی کا کہنا تھا کہ اسلام آباد، پنجاب پولیس پی ٹی آئی کو نشانہ بنانے کیلئے تمام قوانین توڑ رہی ہے۔

عمران خان نے کہا کہ پولیس افسران پی ٹی آئی کیخلاف تشدد اور اغواء میں ملوث ہیں، آئی جی پنجاب اور دیگر افسران کی تصاویر انسانی حقوق کے اداروں کو بھیج رہا ہوں۔

یہ بھی پڑھیں:   عثمان بزدار اورفرح گوگی کیخلاف کرپشن تحقیقات، 150 پلاٹس کی فائلز غائب

ان کا مزید کہنا تھا کہ اظہر مشوانی کو فوری طور پر رہا کیا جائے،

حسان نیازی کو بھی ضمانت ملتے ہی اٹھا لیا گیا، قید میں رکھنے کیلئے جھوٹا مقدمہ ڈالا گیا ہے۔