پاکستان کو دوسرے ون ڈے میں شکست، سیریز 1-1 سے برابر

Spread the love

جوہانسبرگ: دوسرے ون ڈے میں جنوبی افریقا نے پاکستان کو 17 رنز سے شکست دے کر سیریز 1-1 سے برابر کردی۔

جنوبی افریقا نے پاکستان کو 342 رنز کا ہدف دیا جس کے جواب میں قومی ٹیم کی جانب سے امام الحق اور فخر زمان نے کھیل کا آغاز کیا تاہم مارکرم کے ہاتھوں امام الحق صرف 5 رنز بناکر آؤٹ ہوئے جس کے بعد کپتان بابر اعظم بھی 31 رنز کے مہمان ثابت ہوئے۔

یہ بھی پڑھیں:   بابر اعظم کی سنچری رائیگاں، آسٹریلیا نے پاکستان کو پہلا ٹیسٹ ہرا دیا

پاکستان کی شروعات میں 2 وکٹیں گرنے کے بعد قومی ٹیم کی بیٹنگ لائن لڑکھڑا گئی اورمحمد رضوان صفر جب کہ دانش عزیز 9 رنز بنا کر پویلین لوٹ گئے جب کہ شاداب خان بھی 13 رنز بنانے کے بعد تبریز شمسی کی گیندپر ایل بی ڈبلیو ہوگئے جس کے بعد آصف علی 19 رنز اور فہیم اشرف 11رنز پر پھیلوکوایو کا شکار بنے۔

یہ بھی پڑھیں:   آئی سی سی نے کھیل میں کرپش کی روک تھام کے لیے انٹرپول کےساتھ مل کر کام کرنے کا فیصلہ کر لیا

اس کے بعد کاگیسو ربادا نے شاہین آفریدی کو 5 رنز پر بولڈ کرکے پویلین کی راہ دکھا دی جب کہ فخر زمان نے 193 رنز کی یادگار اننگز کھیلی جس کےبعد وہ رن آؤٹ ہوگئے، یوں جنوبی افریقا نے پاکستان کو 17 رنز سے شکست دے کر سیریز 1-1 سے برابر کردی۔

یہ بھی پڑھیں:   جنوبی افریقا کو تیسرے ٹی ٹوئنٹی میچ میں شکست