مولانا فضل الرحمان کی آصف زرداری سے ملاقات

Spread the love

کراچی: پی ڈی ایم سربراہ مولانا فضل الرحمان نے سابق صدر آصف زرداری سے بلاول ہاؤس میں ملاقات کی۔

بلاول ہاؤس کراچی میں پی ڈی ایم کے سربراہ مولانا فضل الرحمان نے سابق صدر آصف زرداری اور شریک چیئرمین پیپلزپارٹی بلاول بھٹو سے ملاقات کی، اس موقع پر جمیل سومرو، ناصرشاہ، سعید غنی اور راشد سومرو بھی موجود تھے۔

یہ بھی پڑھیں:   339 کلومیٹر طویل نئی موٹر وے کی منظوری دے دی گئی

ذرائع کے مطابق ملاقات میں مولانا فضل الرحمان نے آصف زرداری کو اُن کی صاحبزادی بختاور بھٹو زرداری کی شادی کی مبارکباد دی جب کہ ملکی سیاسی صورت حال، سینیٹ انتخابات اور لانگ مارچ سمیت حکومت مخالف مہم پر بھی تبادلہ خیال کیا گیا۔

واضح رہے کہ پی ڈی ایم سربراہ مولانا فضل الرحمان نے آج صبح مسلم لیگ (ن) کی نائب صدر مریم نواز کو بھی ٹیلی فون کرکے ان کی صاحبزادی مہرالنساء کی خیریت دریافت کی اور جلد صحت یابی کیلئے دعا کی تھی۔ گزشتہ روز مریم نوازکی صاحبزادی حادثے میں زخمی ہو گئی تھیں۔

یہ بھی پڑھیں:   چینی، پیاز سمیت 22 اشیائے صرف کی قیمتیں بڑھ گئیں