عراق میں فوجی چیک پوسٹ پر حملے میں 11 افراد ہلاک

بغداد: عراق کے دارالحکومت میں ہوائی اڈے کے قریب ایک فوجی چیک پوسٹ پر مسلح حملہ آور نے دھاوا بول دیا جس کے نتیجے میں 11 افراد ہلاک اور 8 زخمی ہوگئے۔

عالمی خبر رساں ادارے کے مطابق بغداد میں ہوائی اڈے کے قریب چار گاڑیوں میں سوار درجن سے زائد حملہ آوروں نے پہلے ایک فوجی چوکی پر گرنیڈ پھینکے اور پھر اندھا دھند فائرنگ کردی۔

یہ بھی پڑھیں:   عراق میں امریکی فوجی اڈے پر حملہ، 3 غیر ملکی فوجی ہلاک

حملے میں 11 افراد ہلاک ہوگئے جن میں فوجی اہلکار بھی شامل ہیں جب کہ 8 اہلکار زخمی ہیں جنہیں قریبی اسپتال منتقل کردیا گیا ہے۔ فوج اور پولیس نے حملہ آوروں کی تلاش میں قریبی علاقوں میں سرچ آپریشن شروع کردیا ہے۔

عراقی فوج کے ترجمان نے میڈیا کو بتایا کہ جس فوجی چوکی پر حملہ کیا گیا وہاں حاشد قبائلی فورسز کے جوان تعینات تھے، حملے میں 5 جوان اور ان کی مدد کو آنے والے 6 مقامی افراد بھی ہلاک ہوگئے۔

یہ بھی پڑھیں:   میچ دیکھنے کیلئے جانے والے افغان شہری کو بھارت میں حیرت انگیز مشکلات کا سامنا

واضح رہے کہ عراق میں اتحادی افواج نے داعش جنگجوؤں کو پسپائی پر مجبور کردیا ہے تاہم اب بھی کچھ علاقے داعش کے قبضے میں ہیں جہاں سے عسکریت پسند اتحادی افواج کو نشانہ بناتے ہیں۔