میچ فکسنگ کی پیشکش کرنے والا سٹے باز گرفتار

Spread the love

لاہور: نیشنل ٹی ٹوئنٹی کپ میں میچ فکسنگ کی پیشکش کرنیوالا سٹے باز کو گرفتار کرلیا گیا ہے۔

ذرائع کے مطابق نیشنل ٹی ٹوئنٹی کپ میں کھلاڑی کو اپروچ کرنے والامبینہ بکی گرفتارہوگیا ہے، اسے وفاقی تحقیقاتی ایجنسی نے گرفتار کیا۔ مبینہ بکی کے فون کا فرانزک کیا جارہا ہے اور اس کا مؤقف ہے کہ ڈومیسٹک کرکٹر اس کا دوست ہے اور اس نے مذاق میں اپنے دوست سے فکسنگ کی بات کی تھی۔

یہ بھی پڑھیں:   سلیم ملک کی پی سی بی پر شدید گولا باری

خیال رہے کہ نیشنل ٹی ٹوئنٹی کپ کے کھلاڑی نے بکی کے رابطے کا فوری طور پر اینٹی کرپشن یونٹ کو بتایا تھا جس کے بعد معاملے کی تحقیقات شروع کی گئی تھیں۔ پی سی بی نے رپورٹ کرنے والے کھلاڑی کا نام راز میں رکھا ہے۔