سعودی عرب اقوام متحدہ کا الیکشن ہار گیا

Spread the love

جنیوا: سعودی عرب اقوام متحدہ کی انسانی حقوق کونسل کے الیکشن میں ناکام ہوگیا۔

غیر ملکی خبر رساں ادارے کے مطابق اقوام متحدہ کی انسانی حقوق کونسل کے آئندہ تین سال کی مدت کیلئے الیکشن ہوئے جس میں ایشیا بحرالکاہل گروپ میں چار نشستوں پر پانچ ممالک میں مقابلہ تھا جن میں پاکستان، ازبکستان، نیپال، چین اور سعودی عرب شامل تھے۔

یہ بھی پڑھیں:   ٹرمپ نے اپوزیشن کے آگے گھٹنے ٹیک دیئے، شٹ ڈائون عارضی طور پر ختم

انتخابات میں خفیہ ووٹنگ رائے دہی ہوئی جس میں پاکستان نے ریکارڈ ووٹ حاصل کئے اور 191 میں سے سب سے زیادہ 169 ووٹس لینے میں کامیاب ہوا۔ ازبکستان نے 164ووٹ، نیپال 150ووٹ، چین نے 139 ووٹ لے کر کامیابی حاصل کی جبکہ سعودی عرب کو صرف 90 ووٹ ملے اور شکست کا سامنا کرنا پڑا۔

یہ بھی پڑھیں:   امریکا کا سعودی عرب میں جی 20 اجلاس کے بائیکاٹ کا مطالبہ

انسانی کی بین الاقوامی تنظیموں نے انسانی حقوق کی خلاف ورزیوں کا الزام لگاکر سعودی عرب کی شدید مخالفت کی۔ گزشتہ روز 15 نشستوں پر الیکشن ہوئے اور رکن منتخب ہونے والے دیگر ممالک میں فرانس، برطانیہ، روس، بولیویا، گابون، ملاوی، میکسیکو، سینیگال، آئیوری کوسٹ، یوکرائن اور کیوبا شامل ہیں۔ کامیاب ممالک کی مدت یکم جنوری سے شروع ہوگی۔

یہ بھی پڑھیں:   وزیراعظم عمران خان اور امریکی صدر کے درمیان دوبارہ رابطہ

انسانی حقوق کے کونسل کے 47 ارکان ہیں اور الیکشن میں خطوں کی بنیاد پر 5 جغرافیائی گروپ بنائے گئے ہیں جن میں افریقہ، ایشیا بحرالکاہل، لاطینی امریکا، کیریبین، مغربی یورپ اور مشرقی یورپ شامل ہیں۔ امریکا انسانی حقوق کونسل پر اسرائیل مخالف ہونے کا الزام لگاکر رکنیت چھوڑ چکا ہے۔