بگ بیش کے حیدر علی سے رابطے

Spread the love

لاہور: آسٹریلیا کی معروف ترین ڈومیسٹک لیگ بگ بیش اور انگلش کاؤنٹی ٹیمیں پاکستان کے ابھرتے ہوئے نوجوان بیٹسمین حیدرعلی کو سائن کرنے کی کوششوں میں مصروف ہیں۔

ذرائع کا کہنا ہے کہ 2 بگ بیش ٹیموں نے جارح مزاج بیٹسمین حیدر علی کو سائن کرنے کے لیے رابطہ کیا ہے لیکن دورہ نیوزی لینڈ کی وجہ سے حیدر علی نے اس سال بگ بیش سے معذرت کی ہے۔ ایک انگلش کاؤنٹی ٹیم بھی حیدر علی کی مینجمنٹ سے رابطے میں ہے اور امکان ہے کہ نوجوان کرکٹر اگلے سیزن میں کاؤنٹی کھیل سکتے ہیں۔

یہ بھی پڑھیں:   ٹی 20 ورلڈ کپ، میزبان ہونے کے ناطے آسٹریلیا اس بار فیورٹ ہوگا، لارا

یاد رہے کہ حیدر علی نے انگلینڈ کے خلاف تیسرے ٹی ٹوئنٹی میں انٹرنیشنل ڈیبیو کیا اور اپنے پہلے ہی انٹرنیشنل ٹی ٹوئنٹی میں نصف سنچری داغ کر دنیائے کرکٹ کی توجہ اپنی جانب مبزول کروا لی تھی۔ اُس وقت سابق انگلش کپتان مائیکل وان اور سابق آسٹریلیوی فاسٹ بولر ٹام موڈی بھی حیدر علی کے کھیل سے کافی متاثر ہوئے۔ مائیکل وان نے لکھا تھا کہ لگتا ہے پاکستان کو اچھا کھلاڑی مل گیا ہے۔

یہ بھی پڑھیں:   پاکستان اور زمبابوے سیریز کے تمام میچز دن میں کرانے کا فیصلہ

ذرائع کے مطابق فہیم اشرف سے بھی بگ بیش ٹیمیں رابطے میں ہے لیکن ان کی شرکت بھی قومی ٹیم میں شمولیت سے مشروط ہے۔