فرانس میں دو طیاروں کے درمیان تصادم، 5 افراد ہلاک

Spread the love

پیرس: فرانس میں دو مسافر بردار چھوٹے طیارے فضا میں ایک دوسرے سے ٹکرا گئے جس کے نتیجے میں 5 افراد ہلاک ہوئے۔

فرانس میں ایک انجن والے دو مسافر بردار طیارے فضا میں ایک دوسرے سے ٹکرا گئے اور دونوں ہچکولے کھاتے ہوئے زمین پر الگ الگ مقام پر گر گئے۔ ایک انجن والے چھوٹے طیارے میں دو افراد سوار تھے، یہ طیارہ تصادم کے بعد ایک گھر کے نزدیک گرا اور بجلی کے میٹر سے ٹکرا گیا جس کے نتیجے میں خوفناک آگ بھڑک اُٹھی، دونوں مسافر جھلس کر ہلاک ہوگئے۔

یہ بھی پڑھیں:   شاہ سلمان کو گہرا صدمہ ، پورا سعودی عرب سوگ میں ڈوب گیا

دوسری جانب نسبتاً بڑا طیارہ جس میں 3 سیاح سوار تھے تصادم کے بعد غیر آباد علاقے میں گر کر تباہ ہوگیا جس کے نتیجے میں تینوں سیاح ہلاک ہوگئے۔ ریسکیو ادارے کے اہلکاروں نے ہلاک ہونے والوں کی لاشیں طیاروں کے ملبے سے نکال لی ہیں، ہلاک ہونے والوں کی شناخت نہیں ہوسکی ہے۔ تصادم کے وجہ کے تعین کے لیے انکوائری کمیٹی تشکیل دیدی گئی ہے۔

یہ بھی پڑھیں:   عورت انسان کی پہلی معلم اور درس گاہ ہے، ترک صدر