پہلا ٹرانسپیرنٹ ٹیلی ویژن فروخت کے لیے پیش

Spread the love

بیجنگ: دنیا کا پہلا مکمل طور ٹرانسپیرنٹ ٹیلی ویژن فروخت کے لیے پیش کیا جائے گا جسے شیاؤمی کمپنی نے بنایا ہے اور اسے “مائی ٹی وی لکس” کا نام دیا گیا ہے۔

بند ہونے کی صورت میں یہ شفاف شیشہ بن جاتا ہے اور کسی سائنس فلم کی کوئی ایجاد دکھائی دیتا ہے۔ اگر ٹیلی ویژن نہ چل رہا ہو تو اس کے آرپار دیکھا جاسکتا ہے۔ قبل ازیں سام سنگ اور ایل جی نے شفاف ٹیلی ویژن پیش کیے لیکن شیاؤمی کے مطابق یہ پہلا شیشہ ٹیلی ویژن ہے جو بڑے پیمانے پر تیار کیا جارہا ہے اور اس کی فروخت اگلے چند دنوں میں متوقع ہے۔

یہ بھی پڑھیں:   اگلے سال لاکھوں فون پر واٹس ایپ سروس بند ہوجائے گی!

ٹیلی ویژن کی لمبائی 55 انچ ہے اور اس کا پورا پینل او ایل ای ڈی پر مشتمل ہے۔ ٹی وی اسکرین کی موٹائی صرف 5.7 ملی میٹر ہے۔ ٹیلی ویژن بند ہوتے ہی کھڑی کا شیشہ بن جاتا ہے۔ شیاؤمی کے مطابق اس کا سیاہ رنگ واضح اور اسکرین بہت روشن ہے۔ ٹیلی ویژن اسکرین ایک ارب سے زائد رنگ دکھاتا ہے۔ اس کا ریفریش ریٹ 120 یرٹز ہے اور ایک ملی سیکنڈ میں ٹیلی ویژن اسکرین ریفریش ہوجاتا ہے۔

یہ بھی پڑھیں:   ہائر ایجوکیشن نے مائیکروسافٹ پاکستان کے اشتراک سے’’امیجن کپ 2020‘‘ کا اعلان کر دیا

اس کا دس بٹ پینل مجموعی طور پر ہموار اور خوبصورت تصویر ظاہر کرتا ہے ۔ اس طرح کے ٹیلی ویژن اسکرین میں متحرک منظر دھندلا جاتے ہیں لیکن شیاؤمی کے ٹیلی ویژن میں یہ نقص موجود نہیں جس کی وجہ سے ٹیلی ویژن گیم کھیلنے کے لیے بھی بہترین ہے۔

یہ بھی پڑھیں:   کائنات میں لوہے کی برسات کرنے والا انوکھا سیارہ دریافت