خام تیل کی قیمت 18 سال کی کم ترین سطح پر

Spread the love

کراچی: کورونا وائرس کی عالمی وباء کے سبب دنیا بھر کی اسٹاک مارکیٹ منہ کے بل جاگریں جب کہ خام تیل کی قیمت 18 سال کی کم ترین سطح پر آگئی۔

دنیا بھر کی طرح پاکستان کی اسٹاک مارکیٹ بھی شدید مندی کا شکار رہی، گزشتہ ایک ہفتے کے دوران پاکستانی اسٹاک مارکیٹ کا 100 انڈیکس 5393پوائنٹس کم ہو کر 30667 پوائنٹس کی سطح پر آگیا، پاکستانی اسٹاک مارکیٹ کو 2008ء کے بحران کے بعد کسی ایک ہفتہ میں سب سے زیادہ گراوٹ کا سامنا کرنا پڑا اور انڈیکس میں ایک ہی ہفتہ میں 15فیصد تک کمی واقع ہوئی۔

یہ بھی پڑھیں:   پاکستان میں گیس کی طلب 8 ارب کیوبک فٹ ، رسد 4.3 ارب کیوبک فٹ تک پہنچ گئی

پاکستان اسٹاک مارکیٹ میں گزشتہ ہفتے مندی کا طوفان سرمایہ کاروں کے 900 ارب روپے نگل گیا چھوٹے سرمایہ کار وں کا دیوالیہ نکل گیا۔ گزشتہ ہفتہ پانچ میں چار روز مارکیٹ اتنی تیزی سے گری کہ اسے خودکار حفاظتی مکینزم کے تحت چار مرتبہ 45 منٹ کے لیے بند کرنا پڑا۔

یہ بھی پڑھیں:   سٹاک مارکیٹ میں بڑا اضافہ ، عوام کو بڑی خوشخبری سنادی گئی

مندی کے باعث غیرملکی سرمایہ کاروں نے اسٹاک مارکیٹ میں کی جانے والی 2کروڑ ڈالر کی سرمایہ کاری نکال لی۔ کاروباری ہفتے میں 7607 پوائنٹس کے بینڈ میں کاروبار ہو،انڈیکس کی بلند ترین سطح 36060 ، کم ترین 28453 رہی۔ کاروباری ہفتے میں 1 ارب 19 کروڑ شیئرز کے سودے ہوئے۔ ہفتہ وار کاروباری مالیت 43 ارب روپے رہی، مارکیٹ کیپٹلائزیشن 887 ارب روپے کم ہوکر 5907 ارب ہوگئی ہے۔

یہ بھی پڑھیں:   دالوں، گھی، چینی کی قیمتوں میں 20 روپے کلو تک کا اضافہ

ایک ہفتے کے دوران دنیا بھر کی اسٹاک مارکیٹوں میں مندی کے بادل چھائے رہے۔ امریکی اسٹاک مارکیٹ میں 21 فیصد کمی ریکارڈ کی گئی، چین کی اسٹاک مارکیٹ میں7 فیصد کمی، جاپان کی اسٹاک مارکیٹ میں 8 فیصد،ہانگ کانگ 5 فیصد کمی، فرانس 6 فیصد،جرمنی 7 فیصد اور بھارت کی اسٹاک مارکیٹ میں 14 فیصد کمی رہی۔