اسٹیٹ بینک نے شرح سود میں کمی کردی

Spread the love

اسلام آباد: اسٹیٹ بینک نے مانیٹری پالیسی بیان جاری کردیا جس میں شرح سود کم کرکے 12 اعشاریہ 5 فیصد کردیا۔

اسٹیٹ بینک کی جانب سے جاری کردہ مانیٹری پالیسی بیان میں کہا گیا کہ مانیٹری پالیسی کمیٹی نے شرح سود 75 بیسس پوائنٹ کم کردیا ہے اور شرح سود 12.5 فیصد مقرر کیا گیا ہے جب کہ رواں مالی سال افراط زر 11 سے 12 فیصد رہے گا۔

یہ بھی پڑھیں:   مشرف کو پھانسی سنائے جانے کا حکم ،سٹاک مارکیٹ منفی زون میں چلی گئی

اسٹیٹ بینک کا کہنا ہے کہ کرونا وائرس کے باعث پاکستان کی معاشی ترقی کی شرح نمو میں کمی ہوگی اور مجموعی قومی پیداوار کی نمو 3 فیصد رہے گی، جب کہ کورونا وائرس سے پیدا ہونے والی صورتحال کے باعث نئی صنعتیں لگانے کیلیے 100 ارب روپے کی نئی اسکیم متعارف کرائی گئی ہے۔

یہ بھی پڑھیں:   ملک میں بجلی کی پیداواری استعداد 35 ہزار 924 میگاواٹ ہے، وزارت توانائی

گورنر اسٹیٹ بینک نے مانیٹری پالیسی بیان پر میڈیا بریفنگ دیتے ہوئے بتایا کہ پاکستان کے زرمبادلہ کے ذخائر کرونا وائرس سے پیدا ہونے والے حالات سے نمٹنے کے لیے کافی ہیں، اسٹیٹ بینک کرونا وائرس سے نمٹنے کے لیے اسپتالوں کو 5 ارب کے قرضے دے گا اور ایک اسپتال زیادہ سے زیادہ 20 کروڑ قرضہ حاصل کرسکے گا، یہ رقم کرونا وائرس سے نمٹنے، ویکسین، وینٹی لیٹر اور دیگر ضروری اشیا کی خریداری کے لیے استعمال کی جاسکے گی۔

یہ بھی پڑھیں:   جلد حقیقی معاشی سرگرمیوں کی بحالی کا امکان ہے،گورنراسٹیٹ بینک