سندھ میں سرکاری دفاتر، ریسٹورنٹ اور شاپنگ مالز بند کرنے کا فیصلہ

کراچی: حکومت سندھ نے 15 دن کے لیے تمام ریسٹورنٹ اور شاپنگ مالز بند کرنے کا اعلان کردیا۔

میڈیا کے مطابق وزیراعلی سندھ کے زیر صدارت کورونا وائرس کے کیسز میں اضافے اور اس حوالے سے اقدامات پر اجلاس ہوا، جس میں فیصلہ کیا گیا کہ سرکاری دفاتر، ریسٹورنٹ، شاپنگ مال، تفریحی مقامات اور انٹر سٹی بس سروس 15 دن کیلیے بند کئے جائیں گے۔

وزیراعلیٰ سندھ مراد علی شاہ نے کہا ہے کہ ریسٹورنٹ اور شاپنگ مال 15 دن کیلیے بند کرنے کا فیصلہ کیا ہے، تاہم اس بندش کے دوران تمام کریانہ اسٹور، میڈیکل اسٹورز، سبزی، مرغی، مچھلی اور دیگر گوشت مارکیٹس کھلی رہیں گی، اور اگر شاپنگ مالز میں کریانہ کی دکانیں ہیں تو وہ کھلی رہ سکتی ہیں، بڑے ہوٹلز میں ریسٹورنٹس سروس بند ہوگی، وہیں پر کھانے کا انتطام اور مجمع پر پابندی ہوگی، تاہم ریسٹورینٹس پر آرڈر سے کھانے کی چیزیں منگوائی جاسکتی ہیں۔

یہ بھی پڑھیں:   پاکستان میں کورونا سے متاثرہ مریضوں کی تعداد 600 ہوگئی

وزیراعلیٰ سندھ نے کہا ہے کہ وائرس کا مقابلہ کرنے کے لیے ہمیں اس کے پھیلائو کو روکنا ہے، اگر یہ وائرس پھیل گیا تو اسپتال کم پڑ جائیں گے، شہریوں کو گھروں میں محدود رکھنا چاہتے ہیں، اس لئے عوامی پارکس اور سی ویو بھی کل سے بند رہیں گے اور سرکاری دفاتر بھی جمعرات سے بند کردیئے جائیں گے جس کا نوٹیفکیشن چیف سیکریٹری جاری کریں گے، تمام احکامات پر اطلاق کل سے ہوجائےگا۔

یہ بھی پڑھیں:   عام انتخابات مقررہ وقت سے ایک سال آگے جاسکتے ہیں، فضل الرحمان

دریں اثنا کمشنر کراچی افتخار شالوانی نے کورونا وائرس ایمرجنسی کے پیش نظر بازار اور ریستوران بند رہنے کا نوٹی فیکشن جاری کردیا۔ نوٹی فکیشن کے مطابق کر اچی میں منگل سے ریسٹورنٹس، ہوٹلوں میں قائم ریسٹورنٹس، شاپنگ مالز، کپڑے، آٹو کا سامان اور دیگر اشیا کی فروخت کے مراکز، فرنیچر مارکیٹس، سوشل کلبس، تفریحی مراکز، ساحل سمندر، سوئمنگ پولز، چائے خانے اور الیکٹرانک مارکیٹس پندرہ روز کے لیے بند رہیں گے۔

یہ بھی پڑھیں:   پاکستان میں کورونا وائرس کی مجموعی تعداد 495 ہوگئی

نوٹی فکیشن کے مطابق ریسٹورنٹس میں بیٹھ کر کھانا کھانے کی اجازت نہیں ہوگی اور ہوم ڈیلیوری کی اجازت ہوگی لوگ گھر کھانا لے جاسکیں گے۔ نوٹیفکیشن میں کہا گیا ہے کہ سپر مارکیٹس، کریانہ کی دکانیں، میڈیکل اسٹورز، بیکریز اس پابندی سے مستثنیٰ ہوں گے، گوشت ، سبزی اور فروٹس کی دکانوں سمیت کھانے پینے کی اشیا کی فروخت کی اجازت ہوگی۔