کورونا وائرس کی ویکسین کا چوہوں پر کامیاب تجربہ

Spread the love

لندن: برطانوی سائنس دانوں نے کورونا وائرس کی ویکسین تیار کرنے کا دعویٰ کرتے ہوئے کہا ہے کہ ویکسین کو چوہوں پر آزمایا گیا ہے اور اس کے کامیاب نتائج سامنے آئے ہیں جس کے بعد ویکسین کو رواں برس جون تک انسانوں پر تجربے کے لیے تیار کیا جارہا ہے۔

امپیریل کالج لندن کے محققین کی ٹیم کے سربراہ ڈاکٹر پاؤل مکی نے میڈیا سے گفتگو میں بتایا کہ چوہوں میں ویکسین کو انجکشن کے ذریعے داخل ہونے کے ایک ماہ بعد ہی نتائج ملنا شروع ہوگئے تھے۔

ڈاکٹر پاؤل نے مزید بتایا کہ ان کی ٹیم پیرس کے سائنس دانوں کے ساتھ مل کر ویکسین کو بندروں پر استعمال کرنے کے لیے کام کررہی ہے جب کہ انسانوں پر اس ویکسین کو جون تک آزمایا جا سکے گا تاہم ویکسین کو مارکیٹ میں آنے میں سال بھر لگ سکتے ہیں۔

یہ بھی پڑھیں:   پھیپھڑوں کو صحتمند رکھنے کے آسان 3 طریقے؟

دوسری جانب جرمن سائنس دانوں نے بھی دعویٰ کیا ہے کہ کورونا وائرس کی اینٹی باڈیز تیار کر لی ہیں جو اس موزی مرض کیخلاف کارگر دوا کی تیاری میں بھی کام آسکتی ہے۔

جرمن ٹیم کے سربراہ بیرینڈ جان بوش کا کہنا تھا کہ ہم کوئی جھوٹا دلاسہ نہیں دینا چاہتے لیکن اب تک کی تحقیق کے حوصلہ افزا نتائج سامنے آئے ہیں تاہم اہم سائنسی جریدوں میں اس تحقیق کو شائع کرنے سے قبل چند اہداف کا حصول باقی ہے۔

یہ بھی پڑھیں:   پاکستان میں ڈینگی کے مریضوں کی تعداد 44 ہزارتک پہنچ گئی

ادھر اسرائیلی سائنس دانوں نے بھی کورونا وائرس کی ویکسین بنانے کا دعویٰ کیا تھا جس میں سائنس دانوں کو حوصلہ افزا نتائج بھی ملے تھے تاہم ابھی یہ ویکسین بھی ابتدائی مراحل میں ہے اور دو سال سے قبل مارکیٹ میں دستیاب نہیں ہوگی۔

دریں اثنا امریکی سائنس دانوں نے بھی کورونا وائرس کی ویکسین کی تیاری کا دعویٰ کیا تھا تاہم اس ویکسین کے بھی 16 ماہ سے قبل مارکیٹ میں دستیاب ہونے کے امکانات ناپید ہیں۔ ضرورت اس امر کی ہے کہ ان ممالک کے سائنس دانوں کو اپنی تحقیق میں ایک دوسرے کو شریک کرکے مشترکہ کوشش کرنا چاہیئے۔

یہ بھی پڑھیں:   پاکستان میں کورونا کیسز سے متاثر افراد کی تعداد 1296 ہو گئی

واضح رہے کہ ووہان سے پھوٹنے والی کورونا وائرس کی وبا کا دوسرا بڑا پڑاؤ اٹلی میں ہے جب کہ ایران میں بھی ہلاکتوں کی تعداد میں اضافہ ہوتا جا رہا ہے۔ یورپ، امریکا، خلیجی ممالک اور جنوبی ایشیا میں کورونا وائرس کے نئے مریضوں میں اضافہ ہوا ہے۔

کیٹاگری میں : صحت

3 تبصرے “کورونا وائرس کی ویکسین کا چوہوں پر کامیاب تجربہ

  1. Pingback: cum se trateaza
  2. Pingback: dumps shop

تبصرے بند ہیں