بھارتی طیارے میں کبوتروں کا راج، مسافربے حال

جے پور: بھارت میں ایک مسافر بردار طیارے میں دو کبوتروں کی موجودگی سے پرواز کو تاخیر کا سامنا رہا جس کی ویڈیو سوشل میڈیا پر وائرل ہوگئی۔

بھارتی میڈیا کے مطابق حیدر آباد میں سردار ولبھائی پٹیل انٹرنیشنل ایئرپورٹ پر جے پور جانے والی گو ایئر کی پرواز نمبر جی-8 702 میں 180 مسافر موجود تھے اور طیارہ اڑان بھرنے ہی والا تھا کہ طیارے میں دو کبوتر گھس آئے۔

یہ بھی پڑھیں:   سوئس کمپنی کی بنائی گئی واحد گھڑ ی، جانتے ہیں یہ کتنے ارب میں فروخت ہوئی؟

یہ کبوتر عمومی طور پر رن وے کے اطراف کی جگہ پر موجود تھے تاہم کسی طرح طیارے کے اندر داخل ہونے میں کامیاب ہوگئے جنہیں عملے نے باہر نکال دیا جس کے بعد طیارہ منزل مقصود کی جانب روانہ ہوگیا۔

کبوتروں کی طیارے کے اندر مسافروں کے سروں سے اوپر پرواز کرنے کی ویڈیو سوشل میڈیا پر وائرل ہوگئی جس میں دیکھا جا سکلتا ہے کہ کبوتر طیارے میں محو پرواز ہوتا ہے اور داخلی راستہ نہ ملنے پر دوبارہ واپس آتے ہیں۔

یہ بھی پڑھیں:   دیوار پر ٹیپ سے چپکا ہوا کیلا ایک لاکھ 20 ہزار ڈالر میں فروخت